لایلایە
لایلایە یان لایەلایە بریتییە لە ھەڵبەست یان گۆرانییەک کە دایکەکان بۆ ژیر کردنەوەی مناڵانی ساوا یان بۆ خەو لێخستنیان دەیخوێننەوە. لایلایە بەشێک لە وێژەی زارەکیی نەتەوەکانن و زۆر جار ھەڵگری کۆمەڵێک زانیارییە سەبارەت بە کۆمەڵگا و مێژووی نەتەوەکان. یەکێک لە کۆنترین لایلایە تۆمارکراوەکان تەمەنی دەگەڕێتەوە بۆ دوو ھەزار ساڵ بەرلە مەسیح کە لە بابیلۆن ھاتووەتە نووسین.[١]
لایلایە لە وێژەی کوردیدا
[دەستکاری]لە زمانی ئاخاوتنی کوردیدا لایلایە پێشی دەوترێ لاوک.[٢] ھونەرێکی دیارە لە کۆمەڵگای کوردیدا، و زۆرتر ژنان و دایکان دەیبێژن؛ ئەمەش، کە بەزۆری بە مانای ستەم و کۆمەڵکوژییەکانی کورد دێت، یان ھۆکارێکە بۆ دووری لە کەسێک یان نیشتمان.
لە ڕووی مێژوویییەوە چاندی کوردی بە چەندین جۆری جیاوازی لایلایە ناسراوە: خەواندنی منداڵ، چاککردنەوەی دڵی شکاوی خۆشەویستێک، تۆمارکردنی مێژووی زارەکی، گواستنەوەی چیرۆکی کلاسیکی و پەندی پێشینان. بەڵام سەدەیەک تێپەڕیوە بەسەر ئەوەی کە لایلایە بە شێوەیەکی سەرەکی گڕاوە بۆ ماتەمینی شەھید و مردوو، بە تایبەت لە ساڵیادی کۆمەڵکوژییەکانی دژ بە کورد.[٣]
سەرچاوەکان
[دەستکاری]- ^ «The universal language of lullabies».
- ^ «لاوک lawik – فەرھەنگی زمانی یەکگرتووی کوردی ھاوچەرخ». لە ٤ی شوباتی ٢٠٢٥ ھێنراوە.
- ^ Berhane، Aaron؛ Demissie، Gezahegn Mekonnen؛ Duarte، Alexander؛ Homa، Ava؛ Matar، Abdulrahman؛ Nagarasa، Ilamaran؛ Nájera، Luis Horacio؛ Nazish، Kiran؛ Restrepo، Pedro A. (٢١ی تشرینی یەکەمی ٢٠٢٣). The Uncaged Voice: Stories by Writers in Exile (بە ئینگلیزی). Cormorant Books. ژپنک ٩٧٨-١-٧٧٠٨٦-٧١٢-٣.
 | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
