شەمامە

لە ئینسایکڵۆپیدیای ئازادی ویکیپیدیاوە
Jump to navigation Jump to search
شەمامە

شەمامە (ناوی زانستی: Cucumis Shemma L.‎) مێوەیەکی بچووکی بۆنخۆشە لە بنەماڵەی کاڵەک. لە کوردەواریدا دڵدارەکان شەمامەیان بە دیاری بە یەکتر داوە. وشەی شەمامە عەرەبییە و واتە شتی زۆر بۆنخۆش.

لە شێعردا[دەستکاری]

نالی لە بەیتێکدا دەڵێ:

لە بوستانی ئیرەمدا قەد نیە وەک
شەمامەی وەک شەمامەی وەک شەمامەی

ناری دەڵێ:

حەسرەتی زەردیی شەمامەی باخەڵی
عەیشی سوورم پێ دەکا ھەردەم بە شین

مەولانای ڕۆمی دەڵێ:

یار دستنبو بە دستم داد و دستم بو گرفت
وە چە دستنبو کە دستم بوی دست او گرفت

کە دستنبو ھەمان شەمامەیە. واتە یار شەمامەی دا بە دەستمەوە و دەستم شەمیمی شەمامەکەی گرت. چ شەمامەیەک بوو کە دەستم بۆنی دەستی یاریشی وەرگرت.

سەرچاوەکان[دەستکاری]

  • گوڵنامەی کوردی
  • دیوانی نالی، چاپی دووەم، مەلا عەبدولکەریمی مودەریس و فاتح عبدالکریم چاپخانەی کوردستان، سنە.