شێوازی وانەگوتنەوە

لە ئینسایکڵۆپیدیای ئازادی ویکیپیدیاوە
Jump to navigation Jump to search
یەکێک لە ڕێگاکانی وانەوتنەوە

مەبەست لە ڕێگای وانە وتنەوە ھەموو ئەو ڕێ و شوێنانەیە کە مامۆستا دەیگرێتە بەر لە شێواز، کەرستە، و ھەموو ئامرازێکی تر بۆ ئەوەی بەپێی پلانێکی تۆکمە زانیاری پێویست بگەێنێت بە فێرخوازەکانی، و بەڕەچاوکردنی توانای فێرخوازەکان.

شێواز و جۆری ڕێگاکانی وانە وتنەوە[دەستکاری]

شێواز و ڕێگاکانی وانەوتنەوە زۆرن بە پێی قۆناغ و ئاستی تەمەنی قوتابییەکان دادەنرێت ئەمانەی خوارەوە ھەندێک لە شێوازەکانن

  1. وانەی ئامادەکراو
  2. ڕێگای گفتوگۆ
  3. ڕێگای گەشتی زانستی
  4. ڕێگای نەخشەکانی ھزری
  5. ڕێگای ڕێژنە بارانی ھزر
  6. ڕێگای تەکنەلۆجیای فێرکردن

وانەی ئامادەکراو[دەستکاری]

وانەی ئامادەکراو: ئەم ڕێگەیە بە کۆنترین و کاراترین ڕێگا دادەنرێت دادەنرێت لە پرۆسەی پەروەردە

ڕێگای گفتوگۆ[دەستکاری]

ڕێگای گفتوگۆ: بە یەکێک لە گرینگترین ڕێگاکانی وانەوتنەوە دادەنرێت دەگەرێتەوە بۆ فەیلەسووفی یۆنانی سوقرات کە یەکەم کەس بووە ئەم ڕێگایەی بەکارھێناوە ئەم ڕێگایە بریتییە لە: گفتوگۆی ئامانجدار و ئەرێنی لە نیوان قوتابیان لەگیل مامۆستا یان لە نێوان خۆیاندا لە ڕێگای پرسیارەوە دانوستاند سەبارەت بە بابەتێک دروست دەبێ. ئامانجەکانی ئەم ڕێگایە:

  1. بیرکردنەوە
  2. گەشە پێدانی کارامەیی دەربرینی زارەکی
  3. پێدانی متمانە و بوێری بە قوتابی
  4. ئالوگۆری ئەزمون
  5. چارەسەرکردنی کێشەکان
  6. بەدەست ھێنانی بیر و ئەنجامی نوێ
  7. فێربوون و تێگەیشتن و چەسپینی زانیارییەکان

ھەنگاوەکانی ئەم ڕێگایە دیاریکردنی بابەتی گفتوگۆ، شیکردنەوەی بابەتەکە لە ڕێگای دروستکردنی پرسیارێکەوە دواتر لە بەرچاو گرتنی شوێنی گونجا و ڕەچاوکردنی کاتی پێویست لە کۆتایدا ئەنجامگیری

شێوازەکانی ئەم ڕێگایە

  1. گفتوگۆی و ئامادەبێژی: لێرە جەخت لەسەر پرسیار وەڵام دەکرێتەوە قوتابی بەرەو بیرکردنەوەی سەربەخۆ دەبات ھەروەھا ڕاھێنان بە یادگای دەکات مامۆستا پرسیار دەکات بە ئامانجی گێرانەوەی زانیارییەکان کە فێرخواز یان قوتابی لە مامۆستاکەی وەرگرتووە
  2. گۆرینەوەی ڕاوبۆچوون شێوازی سوقراتی: لەم شێوازە مامۆستا پرسیار لە قوتایبەکانی دەکات بەڵام وەڵامی پرسیارەکان ئامادە نییە دەبێ قوتابی بە دوای وەڵامەکان بکەون
  3. گفتوگۆی بەکۆمەڵ و سەربەست: لێرەدا قوتابییەکان بەدەوری یەک لە سەر شێوازی بازنەی دادەنیشن لەسەر بابەتێکی گرینگ کە مامۆستا یاخود قوتابی پێشنیاری دەگەن گفتوگۆدەکەن دەبێت لە کۆتایی دا بگەن بە ئامانجی وانە نابێت لە سەرەبابەتی گفتوگۆکە بچنە دەر
  4. سمینار: ئەم شێوازە لە لایەن کۆمەلێک قوتابی یان چەند قوتابییەک ئەنجام دەدرێت بابەتی دیاری کراو ئامادەدەکەن و دواتر پێکەشی قوتایبەکانی دیکەی دەکەن ئەوانیش لە ڕێی پرسیار کردن بەشداری دەکەن بەم شێوەیە گفتوگۆ لە نێوانیان دروست دەبێ
  5. گفتوگۆی دوقۆڵی :ئەم شێوازە لە نێوان دوو قوتایی دەبێت یەکیان پرسیار دەکات و ئەوی تریش وەلام دەداتەوە وە بە پێچەوانەشەوە

ڕێگای گەشتی زانستی[دەستکاری]

ڕێگای گەشتی زانستی: یەکێکە لە شێوازە کاریگەرەکانی وانەوتنەوە بە ھۆی ئەوەی بە کرداری وانەکان جێبەحێ دەکرێت

ڕێگای نەخشەکانی ھزری[دەستکاری]

مامۆستایەک لە گەڵ کۆمەلێک لە فێرخوازان

ڕێگای نەخشەکانی ھزری: ئەم ڕێگایە ئامرازی یارمەتییە بۆ بیرکردنەوە و فێربوون و بیرھاتنەوە لەم ڕێگایە بابەتی دیاری کراو بە شێوەیەکی ھونەری یاخود وێنەی ئامادەدەکرێت بۆ قوتایبەکان بە مەبەستی ئەوەی زووتر لە بابەتە تێبگەن ئەم ڕێگایە لە زۆرێک لە قۆناغەکانی خوێندن بە کاردێت

ڕێگای ڕێژنە بارانی ھز[دەستکاری]

ڕێگای ڕێژنە بارانی ھزر (عسف الزھنی): ئەم ڕێگایە لەلایەن alexander f osborn دا ھێراوە وەک ڕێگا چارەیەکی باشتر بۆ ڕوو بە ڕووبونەوەی لە پێناو بەکار ھێنانی لە چارەسەرکردنی کێشەکان ھەروەھا پروپاگەندە بازرگانی وە بەرێوەبردنی پرۆژەکان وە نەخشەکێشانی کارکردن لە کۆتایدا دروستکردنی گیانی ھەرەوەرزی

ڕێگای تەکنەلۆجیای فێرکردن[دەستکاری]

ڕێگای تەکنەلۆجیای فێرکردن: یەکێکە لە ڕێگا نوێیەکان و سودی لێوەردەگێرت بۆ پەروەردە و فێرکردن ئەمەش بە ھۆی پێشکەوتنی ئامێرەکانی تەکنەلۆجیا وەک بەکارھێنانی داتاشۆ و کۆمپیوتەر ئامێرەکانی دەنگ و ڕەنگ … ھتد. ھەروەھا بە ھۆی پەیوەست بوون بە ئینتەرنێتەوە دەتوانرێت وانەکان لە ڕێگای ئۆنلاینەوە یاخود بە شێوەی ئەلیکترۆنی پێشکەش بکرێت لە ڕێگای بەرنامەی تایبەت بەم بوارە.

سەرچاوەکان[دەستکاری]

  1. بنەما گشتییەکانی ڕێگاکانی وانە وتنەوە نووسینی: کەریم ئەحمەد عەزیز
  2. أھم طرق التدریس الحدیثة کتابة وسام طلال - ٢٨ مایو ٢٠١٨
  3. خوێندنی ئەلیکترۆنی لە ھەرێمی کوردستان دەستی پێکرد