سەڵاحەدین کازمۆڤ

سەڵاحەدین حەسەن ئۆغڵو کازمۆڤ (بە ئازەربایجانی: Salahəddin Həsən oğlu Kazımov؛ ٢٢ی کانوونی دووەمی ١٩٢٠ – ٢ی تەمموزی ١٩٧٨) ژەنەڕاڵێکی سەربازی ناوخۆیی سۆڤیەت بووە و پاڵەوانی یەکێتیی سۆڤیەت بووە. کازمۆڤ لە ١٦ی تشرینی یەکەمی ١٩٤٣ نازناوی پاڵەوانی یەکێتی سۆڤیەتی پێبەخشرا بەھۆی سەرکردایەتیکردنی گرووپێکی تۆپخانە لە کاتی شەڕی دنیپەردا. لە ھێرشێکی چەکداریدا بۆ سەر وەزارەتی ناوخۆی کۆماری سۆسیالیستی سۆڤیەتی ئازەربایجان بریندار بوو و لە ٢ی تەمموزی ١٩٧٨ کۆچی دوایی کرد.

سەرەتای ژیان

کازمۆڤ لە ٢٢ی کانوونی دووەمی ١٩٢٠ لە شاری زاقاتالا یان گوندی کاس لە بنەماڵەی مامۆستایەک لەدایکبووە. نەتەوەکەی بە تساخوری یان ئازەربایجانی داندراوە. دەرچووی بەشی فیزیا و بیرکاری بوو لە پەیمانگای پێداگۆژی ئازەربایجان لە باکوو.