سکووڵی کارگێڕی و ئابووری زانکۆی سلێمانی

لە ئینسایکڵۆپیدیای ئازادی ویکیپیدیاوە
Jump to navigation Jump to search

سکووڵی کارگێڕی و ئابووری یەکێکە لە کۆنترین سکووڵەکانی زانکۆی سلێمانی ساڵی ١٩٧٦ بۆ یەکەم جار دامەزراوە ، کەئەمەش دوای[ ٨] ساڵ لە دامەزراندنی زانکۆی سلێمانی لەساڵی ١٩٦٨ . وە لەبەر ئەو بارودۆخە سیاسیە نالەبارەی ھەرێمی کوردستان لەوکاتەدا کە حکومەتی ناوەندی بەغدا فشارێکی زۆری خستە سەری و لەئەنجامدا خوێندنی لەزانکۆی سلێمانیدا ڕاگرت و پاشان لەساڵی ١٩٨١ گواستیەوە بۆ شاری ھەولێر. وەلەبەر گرنگی ئەم سکووڵە لەساڵی ١٩٩٩ جارێکی تر کرایەوە ، ئەمەش لەبەر ئەو پەیوەندیە توندو تۆڵەی کەبەژیانی کۆمەڵگاوە گرێ دەدات و بەشادەمارو میکانیزمی پێشخستنی ھەموو بوارەکانی ژیان دادەنرێت . سکووڵی کارگێڕی و ئابووری یەکێکە لەو سکووڵانەی کە پەیوەندیەکی ڕاستەوخۆی بە کۆمەڵگاوە ھەیە ، ھەر بۆیە بایەخ دەدات بەو گرفتانەی کە ڕاستەوخۆ پەیوەستن بە ژیانی خەڵکەوەو لێیان دەکۆڵێتەوەو ھەوڵ دەدات چارەسەری گونجاویان بۆ بدۆزێتەوە بەتوێژینەوەی زانستی و سمینارات وە بەیەکێک لەسەرچاوە ھەرە گرنگەکانی نەخشە کێشانی داھاتووی کۆمەڵگا دادەنرێت . شایانی باسە ئەم سکووڵە لەماوەی کەمتر لە [ سێ ] ساڵ دوای دامەزراندنی توانی بەشداری بکات لە پڕکردنەوەی ھەندێ لایەنی کارگێڕی و ئابووری لە ھەرێمی کوردستاندا ، ئەویش لەڕێ ی کردنەوەی مەشقی کارگێڕی لە دامەزراوە حکومیەکان بەمەبەستی پێشخستنی تواناکانیان . سەرەڕای بەشداری کردنێکی بەرچاوی مامۆستایان لە گفتوگۆ و شیکردنەوەی زۆرێک لەو لایەنە گرنگانەی کە تایبەتن بەژیانی بەڕێوەبردن و ئابووریی خەڵکەوە ، ئەمەش لە ڕێ ی توێژینەوەو چاوپێکەوتن لەکەناڵە جیاجیاکانی ڕاگەیاندن. جێ ی باسە کەئەم سکووڵە لەساڵی(١٩٩٩) دووبارە کرایەوە ، بەھەردوو بەشی (ئامار وئابوری ) دەستی بەکار کردەوە و دواتریش بۆ ساڵی خۆێندنی ( ٢٠٠٠- ٢٠٠١ ) بەشەکانی (ژمێریاری و کارگێڕی) کرانەوە . ئامانجەکانی سکووڵ لەم خاڵانەی خوارەوە کۆدەبێتەوە : ــ ١- پێگەیاندنی کادری بەتواناو لێھاتوولە بوارەکانی (ئامار ، ئابوری ، ژمێریاری ، کارگێڕی) . ٢- گرنگی دان بە ئابووری ھەرێمی کوردستان لەسەر بناغەی زانستی لە ڕێگای توێژینەوە زانستی و پێگەیاندنی کەسانی شارەزاو پسپۆڕ لە بواری ئابوریی و ئامار و ژمێریاری وکارگێڕی بەمەبەستی ڕێکخستن و پێشخستنی دەزگاکانی ھەرێم . ٣- دابین کردنی ھەلومەرجی گونجاو بۆ دەرخستنی تواناکانی تاک بە تایبەت لەو بوارانەی کە بەپێشبرکێ وەردەگیرێن.


زانکۆ[دەستکاری]

زانکۆی سلێمانی