زۆدیاکی بکوژ

لە ئینسایکڵۆپیدیای ئازادی ویکیپیدیاوە
Jump to navigation Jump to search

زۆدیاکی بکوژ
لەدایکبوون نەزانراو
نەزانراو
نەتەوە ئەمریکا
پیشە بکوژ
ساڵانی چالاکی ٦٠ـەکان و ٧٠ـەکان
کارە دیارەکانی ٥ کوشتنی پشتڕاستکراوە ٢ بریندار (بانگەشەی کوشتنی ٣٧ کەسی تری کردووە)
لۆگۆی زۆدیاکی بکوژ کە وەکو واژو لە ژێرەوەی نامەکانی دایدەنا

زۆدیاکی بکوژ (بە ئینگلیزی: Zodiac Killer) بکوژێکی زنجیرەیی بووە لە باکوری کالیفۆرنیا کە لە کۆتایی ٦٠ەکان و سەرەتای ٧٠ کان ، ناسنامەی زۆدیاک بە نەزانراوی مایەوە و زۆدیاک بە یەکێک لە گەورەترین کوشتنە زنجیرەییە شینەکراوەکانی مێژوو دادەنرێت ، زۆدیاک لە کۆتایی ١٩٦٨ـەوە تا مانگی دەی ١٩٦٩ پێنج کوشتنی ئەنجام داوە کە قوربانیەکانی لە نێوانی تەمەنی ١٦ تا ٢٩ ساڵ بوون و ئەو ناوچانەی کردەکانی تێدا کردوون بریتی بوون لە ڤالیخۆ و پریاسا و سان فرانسیسکۆ[١] ، زۆدیاک ژمارەیەکی زۆر نامەی نارد بۆ دەسگاکانو لە نێو ئەو نامانەدا چوار دانەیان بە شێوازی کۆد نوسرابون تەنها یەک دانەیان بە تەواوەتی شیکرایەوە[٢]

قوربانییەکان[٣][دەستکاری]

پشتڕاست کراوەکان[دەستکاری]

سەرەڕای ئەوەی زۆدیاک لەو نامانەی بۆ ڕۆژنامەکانی ناردبوو وتبووی ٣٧ نەفەری کوشتووە بەڵام لێکۆڵەران تەنها بوونی ٧ قوربانیان پشتڕاست کردۆتەوە کە دوو دانەیان ڕزگاریان بووە

  • دەیڤد ئارسەر فارادای ١٧ ساڵ ، بێتی لۆو جۆنسن ١٦ ساڵ : لە ٢٠ ی مانگی دوازدەی ساڵی ١٩٦٨ کوژران لە ڕێگای کەناراوەکانی هەرمان
  • مایکڵ ڕینۆت ماگیۆ ١٩ ساڵ ، دارلین ئیلیزابێس فێرین ٢٢ ساڵ : لە ٤ی مانگی ٧ی ١٩٦٩ لە ڤالیخۆ تەقەیان لێکرا ماگیۆ ڕزگاری بوو بەڵام فێرین مرد
  • برایان کاڵڤن هاتنڵ ٢٠ ساڵ ، سیسڵا ئان شێپەرد ٢٢ ساڵ : لە ٢٧ ی ٩ ی ١٩٦٩ بە چەقۆ هێرشیان کرایە سەر لە کەناراوی بێریسا ، هانتڵ هەشت چەقۆی لە پشتەوە لێدرا بەڵام ڕزگاری بوو شێپەردیش دوای سێ ڕۆژ مرد
  • پاوڵ لی ستین ٢٩ ساڵ : شۆفێری تەکسی بوو لە ١١ی مانگی ١٠ی ١٩٦٩ بە گوللە کوژرا لە سان فرانسیسکۆ
پشتڕاست نەکراوەکان[دەستکاری]
  • ڕۆبەرت دۆمینگۆسی ١٨ ساڵ ، لینا ئێدواردی ١٧ ساڵ : لە ٤ی ٦ی ١٩٦٣ لە کەنار دەریایەک کوژران نزیکی گاڤیۆتا ،گریمانە دەکرێت ئێداورد و دۆمینگۆس قوربانی دەستی زۆدیاک بن چونکە شێوازی کوژرانەکەیان لە کوشتنەکەی زۆدیاک دەچوو کە دوای شەش ساڵ لە کەناراوی بێریسا ئەنجامی دابوو
  • چێری جۆ بەیتسی ١٨ ساڵ : چەقۆ باران کرابوو تا مردن و سەریشی بە نزیکەیی لە ملی جیاکرابۆوە لە بەرواری ٣٠ مانگی ١٠ی ١٩٦٦ ، پاوڵ ئەیڤری ڕۆژنامەنووس ڕایگەیاند کە هاوشێوەیی زۆر هەیە لە نێوان کوشتنەکانی زۆدیاک و ئەم کوشتنە

نامەکانی زۆدیاک[دەستکاری]

لە یەکی هەشتی ١٩٦٩ زۆدیاک سێ نامەی نارد بۆ کۆمەڵێک ڕۆژنامەی سان فرانسیسکۆ  وا دەردەکەوت زۆدیاک نامەکانی ناردبێت تا دڵنیایی بکاتەوە کە بەرپرسە لە چەند هێرشێک ، هەر نامەیەک پێکهاتبوو لە ٤٠٧ کۆد کە زۆدیاک وتبوی کەسایەتی من لە نێو ئەم نامانەدایە ، زۆدیاک داوای کرد کە دەبێت نامەکان لە یەکەم پەڕەی ڕۆژنامەدا بڵاوبێتەوە ئەگەرنا لە ماوەی هەفتەیەکدا هەر کەسێک بە تەنها بگەڕێت لە شەودا ئەوا دەیکوژێت[٤] ، ڕۆژی دواتر ڕۆژنامەی کڕۆنیکڵی سانفرانسیسکۆ نامەیەکی زۆدیاکی بڵاوکردەوە و لە تەنیشتیدا نوسیان'' دڵنیا نین ئەمە بە دەستی بکوژەکە نوسرا بێت بۆیە داوا لە بکوژەکە دەکەین نامەیەکی تر بنێرێت بۆ پشتڕاست کردنەوە''[٥] ، لە ٧ی ٨ی ١٩٦٩ نامەیەکی دیکە بە ڕۆژنامەی لێکۆڵەرانی سان فرانسیسکۆ گەیشت کە تێیدا نوسرابوو '' سڵاو ئازیزان زۆدیاک قسە دەکات'' ئەوە جاری یەکەم بوو بکوژەکە ناوێک یان نیشانەیەکی خۆی بڵێت و نامەکە وەکو وەڵامێک بوو بۆ ئەو وتەیەی کە دەیوت دڵنیا نین ئەمە بکوژەکە بێت ، زۆدیاک گەرەنتی دابوو کە ئەگەر کۆدەکە بشکێنن دەتوانن دەستگیریشی بکەن[٦].لە ٨ی ٨ی ١٩٦٩ دوو هاوسەر بە ناوەکانی دۆناڵد و بێتی کە لە کالیفۆرنیا دەژیان توانیان کرایپتۆگرامە ٤٠٨ کۆدیەکە بشکێنن ، کە لە نێویدا چەند هەڵەیەکی ڕێنوسی تێدابو وە نوسیبوی کۆیلە کۆدەکاتەوە بۆ ژیانی دواتری ، ناوی بکوژ نەنوسرابو وە زۆدیاک نوسیبوی ناوی خۆی ناڵێت چونکە ڕێی لێدەگرن لە کۆکردنەوەی کۆیلە[٧]

لە ٢٧ی ١٠ی ١٩٧٠ ڕۆژنامەنوسی کڕۆنیکڵ پاوڵ ئەیڤری (هەواڵی کەیسەکەی دەگواستەوە) کاردێکی هاڵۆوینی پێگەیشت کە واژوو کرابوو بە پیتی Z وە نیشانەی زۆدیاکی لەسەربوو لەسەر نامەکە نوسرابوو '' وازبهێنە لەناو دەچیت '' نامەکە بە جدی وەرگیراو لە یەکەم پەڕەی کڕۆنیکڵ بڵابۆیەوە[٨]

نامە شیکراوەکەی زۆدیاک زۆدیاک قسە دەکات ، من مرۆڤ دەکوژم چونکە زۆر بەچێژە ، بەچێژترە لە کوشتنی ئاژەڵە کێویەکانی دارستان لەبەر ئەوەی مرۆڤ دڕندەترین ئاژەڵە ، کوشتن ئەزمونێکی هەیەجاندارم پێدەبەخشێت تەنانەت زۆر سەرنجڕاکێشتریشە لە بەسەربردنی کات لەگەڵ کچێکا ، باشترین بەشی بابەتەکە ئەوەیە کە دەمرم لەبەهەشتا زیندو دەبمەوەوە و هەموو ئەوانەی کوشتومن دەبنە دەبنە کۆیلەی من  زۆد

ژێدرەرەکان[دەستکاری]

  1. ^ ژیانی زۆدیاک - بیۆگرافی دۆت کۆم کۆتا سەردان ١٩ی ٢ی ٢٠١٧
  2. ^ ماڵپەڕی زۆدیاکی بکوژ - نامەکان - کۆتا سەردان ١٩ی ٢ی ٢٠١٧
  3. ^ ویکیپیدیای ئینگلیزی - زۆدیاکی بکوژ کۆتا سەردان ١٩ی ٢ی ٢٠١٧
  4. ^ کتێبەکەی گرەیسمس لاپەڕە ٤٩ (Zodiac unmasked)
  5. ^ وێب ئەچیڤ - زۆدیاک پی دی ئێف - کۆتا سەردان ٢١ی ٢ی ٢٠١٧
  6. ^ کتێبەکەی گرەیسمس لاپەڕە ٥٥ - ٥٧ (Zodiac Unmasked)
  7. ^ کتێبەکەی گرەیسمس لاپەڕە ٥٧ (Zodiac Unmasked)
  8. ^ کتێبەکەی گرەیسمس لاپەڕە ١٦٠ (Zodiac Unmasked)