لە ئینسایکڵۆپیدیای ئازادی ویکیپیدیاوە
| خەزنەیێکە بەیتی من دوو میسرەعم داخستووە | | کەس تەماعی تێ نەکا ڕێگەی دزم لێ بەستووە |
| بیکە بەر دیبایی نەزمم تا قیامەت نادڕێ | | چونکە ئەبکاری مەعانیی تار و پۆیی ڕستووە |
| زاھیرەن بەیتم لە نالی و کوردی زۆر کەمتر نییە | | تالعم بەرگەشتەیە، بەدبەختە بەختم نووستووە |
| باسی حوور و باسی غیلمان و پەری بۆ من مەکەن | | وەک مەھی بێ میھری خۆم نەمدیتووە و نەمبیستووە |
| نیوەشەو گەر دەرکەوێ وەک ماھی سەرکەل تەلعەتی | | وا دەزانن ئافتاب و موشتەری سەر بستووە |
| دەست و پێی ئەو پادشاھی حوسنە کوێلەم پێ دەڵێن | | ھێندە ئەنگوستی پەشیمانیم لە حەسرەت گەستووە |
| دڵ لە کونجی سینەدا گەر خوێن دەنۆشێ و غەم دەخوا | | حاجی بۆ قوربانی عیدی وەسڵی تۆ دایبەستووە |
| — حاجی قادری کۆیی |
