خاڵی کوێری (زنجیرە)

خاڵی كوێری
چەشن	دراما تاوانكاری ئاكشن هەستبزوێن
دانەر	مارتن گیرۆ
ئەکتەران	سەلیڤان ستەیپلتۆن جەیمی ئەلێکساندەر ڕۆب بڕاون ئاودرێی ئیسپارزا ئاشلی جۆنسەر
وڵاتی بەرھەمھێنەر	ویلایەتە یەکگرتووەکانی ئەمریکا
زمان	ئینگلیزی
ژمارەی وەرزەکان	١
ژمارەی ئەڵقەکان	٩
بەرھەمھێنان
شوێنەکانی تۆمارکردن	نیو یۆرك ، نیو یۆرك سیتی
ماوەی پەخش	٤٢ - ٤٣ خولەك
پەخش
تۆڕ	NBC
گرێدان بۆ دەرەوە
ماڵپەڕی فەرمی

خاڵی كوێری بە ئینگلیزی (Blindspot) زنجیرەیەكی ئەمەریكی تاوانی دراماییە لەلایەن مارتین گیرۆ دروستكراوە، لە نواندنی جەیمی ئالێكساندەر و سولیڤان ستاپلیتۆنە، یەكەم زنجیرەی لە ٢١ی ئەیلولی ٢٠١٥ لە تەلەڤزیۆنی NBC ئەمەریكی پەخش كرا و تاوەكو ئێستا بەردەوامە. وا دانراوە كە وەرزی یەكەمی لە ٢٢ زنجیرە پێكبێت.

چیرۆكی زنجیرە

یەكەم دیمەنی زنجیرەكە لە تایم سكوەیری نیو یۆركەوە دەستپێدەكات كە مەیدانێكە لە نیویۆرك، پۆلیسێك جانتایەكی گەورە دەدۆزێتەوە و لەسەر جانتاكە شریتێك هەیە كە لەسەری نووسراوە "پەیوەندی بە ئێف بی ئایەوە بكە"، دواتریش ئێف بی ئای و تیمی پوچەڵكردنەوەی بۆمب دەگەنە شوێنەكە بە گومانی هەبوونی بۆمب لەناو جانتاكە. بەڵام لە كاتی پشكنین جانتاكە دەكرێتەوە و كچێك لەناوی دێتە دەر كە هەموو لاشەی تاتۆ كراوە. كاتێ دەیبەنەوە بۆ لێكۆڵینەوە بۆیان دەردەكەوێت كە ئەو كچە هیچ شتێك نازانێت و هیچ شتێكی بیر نایەت كە چۆن گەیشتۆتە ناو جانتاكە و پێشتر چی ڕوویداوە بەڵام لەسەر پشتی ئەو كچە بە تاتۆ ناوی بریكاری تایبەتی ئێف بی ئای (كەرت وێڵەر) نووسراوە. بۆیە ئەویش تێوەدەگلێ و هەموو ئێف بی ئای هەوڵ دەدەن لە ڕێگەی تاتۆیەكانەوە ئەوە بدۆزنەوە كە ئەو كچە كێیە.

ئەكتەرەكان و ڕۆلەكانیان

• سەلیڤان ستەیپلتۆن لە ڕۆلی بریكای تایبەت كێرت وێڵەر.
• جەیمی ئالێكساندەر لە ڕۆڵی جەین دۆو ئەو كچەیە كە لەناو جانتاكە دەدۆزرێتەوە و تاتۆكان لەسەر لاشەكەی هەیە، لەگەڵ بەردەوام بوونی ڕووداوەكان و لە پشكنیكی دی ئێن ئەی دەردەخرێ كە تایلەر شۆوـە، دراوسێكەی بریكار كەرت كە لە تەمەنی دە ساڵی بزر بووە و بە مردوو دانراوە.
• ڕۆب بڕاون لە ڕۆڵی بریكاری ئێف بی ئای ئێدجەر ڕید.
• ئۆدرێی ئیسپارزا لە ڕۆڵی بریكاری ئێف بی ئای تاشا زاپاتا.
• ئاشڵی جۆنسەن لە ڕۆلی سەرۆكی بەشی زانستی و شیكاری ئێف بی ئای پاتەرسن.

سەرچاوە

• ویكی ئینگلیزی