جۆڵایی

جۆڵایی بە ئامێرێک دەگوترێت کە بۆ دروونی شمەک، قاڵی، جاجم، زەنگاڵ، بووزوو، پۆپەشمین و بەرماڵ و ھتد کەڵکی لێ وەردەگیرێ. جۆڵا ئەو کەسەیە کە جۆڵایی دەکات و لە مەرەز و خوری کەڵک وەردەگرێ.

جۆڵایی مێژوویەکی کۆنی لە کوردستاندا ھەیە و زۆر وشەی تایبەت بەم ئامێرە ھەن کە چیدیکە بەکار ناھێندرێن. ھەندێک لەم وشانە ئەمانەن: خەرەک، دووخ، دەففە، مەکووک، ساکین، سەرکڵاوە و شە. پێشتر رانک و چۆخە، کەوا و پانتۆڵیش بە جۆڵایی دروست دەکران.

وشەڕەتناسی

وشەی جۆڵایی وا زاندراوە کە لە وشەی جاڵەوە دێت کە بە واتای ساڕێژبوونە. وەک دەڵێن «بەردێک جاڵە بووە» واتا بەردێک بەر بووەتەوە. وشەی جاڵجاڵۆکەش دەتوانێ ھەر لە ئەو بنەڕەتەوە ھاتبێت.