تۆش ھەروەھا
 | ئەم وتارە بەزۆری یان بەتەواوی پشت بە تەنیا یەک سەرچاوە دەبەستێت. (تشرینی دووەمی ٢٠٢٥) |
تۆش ھەروەھا (بە لاتین: tu quoque) ناوی جۆرە سەفسەتەیەکە ھەندێ کەس لە باس و وتووێژا ئەیکەن، بەم شێوەیە کە بە مەبەستی تڕۆکردنی بەڵگەکانی بەرامبەرەکەیان، ھێرش ئەبەن بۆ ھەر ئاکار و کردەوەیەکی کە ناتەبا بێ لەگەڵ قسەکانیا، گوایە توانیویانە لەم ڕێگایەوە دووڕوویی و ڕیاکاریی ئەو دەر بخەن و بەڵگەھێنانەوەکانی پووچەڵ بکەنەوە. ئەمە یەکێ لە شێوەکانی پەنا بۆ کەس بردن بە ئەژمار دێ.[١]
فۆرم
[دەستکاری]سەفسەتەی «تۆش ھەروەھا» فۆرمێکی ئاوەھای ھەیە:
«ئەلف» دەڵێ قەزیەی x ڕاستە.
«بێ» دەڵێ «ئەلف» دووڕوو و ڕیاکارە، چونکە فڵان کار و کردەوەی لەگەڵ ئەم قسەیەی کە دەڵێ x ڕاستە، یەک ناگرنەوە.
کەوایە، x ڕاست نییە.
بۆ وێنە، ئەم سیناریۆیە لە بەر چاو بگرن کە تێیدا دوو کەس پێکەوە ئەچنە ناو دووکانێک و پاش کەمێک دێنە دەرەوە.
کەسی یەکەم بە کەسی دووەم ئەڵێ ئەو شتەت ھەڵگرت بەبێ ئەوەی پارەکەی ببژێری. ئەم کارەت دزییە و ھەڵەیە.
کەسی دووەم ئەڵێ: دەی؟ لە بیرم دێ جارێک خۆتیش ھەر ئەم کارەت کرد. ئەو کات پێت ھەڵە نەبوو، ئەم جارەش ھەڵە نییە.
سەرچاوەکان
[دەستکاری]- ↑ «Ad Hominem (Tu quoque)». www.logicallyfallacious.com (بە ئینگلیزی). لە ١٠ی ئەیلوولی ٢٠٢٤ ھێنراوە.
 | ئەم وتارە بۆ ھیچ پۆلێکی ناوەڕۆک زیاد نەکراوە. تکایە بە زیادکردنی پۆلێک یان زیاتر یارمەتیی بدە تا لەگەڵ وتارە لێکچووەکان پێڕست بکرێت. (تشرینی دووەمی ٢٠٢٥) |