بیگوم جان
بیگوم جان چالاکوان و پزیشکێکی پاکستانییە، دامەزرێنەری کۆمەڵەی ھاریکاری ژنانی ھۆزەکانە. کە ڕێکخراوێکە ئەرکی پەروەردەکردنی ژنانی ناو ھۆزەکانی باکووری ڕۆژاوای پاکستان، لەبارەی مافەکانیانەوە لەئەستۆ گرتووە، ھەروەھا مەشقی تەندرووستیشیان پێدەدەن.[١][٢][٣][٤]
ئەو لە باشووری وەزیرستان گەورەبوو، لە ناوچەیەکی کۆنەپارێز لە پاکستان، بەڵام باوکی ھانی داوە بۆ ئەوەی ببێتە پزیشک.[٤] ئەو لە قوتابخانەی کوڕان خوێندوویەتی، چونکە لەو کاتەدا قوتابخانەی کچان بوونی نەبووە، وەکاتێک گەورەی ھۆزەکەی خوێندنی ئامادەیی لێ قەدەغەکرد، ئەوا لەڕێگای فێرکەرەکەیەوە خوێندنی تەواوکرد.[٣]
لە ساڵی ٢٠٠٧، خۆپشاندانی ژنانی پاکستان دەستیپێکرد لە دژی خۆکوژی و توندوتیژی لەژێر ناوی ئایینی، جان ڕێبەرایەتی ناڕەزایی ڕێکخراوەکەی خۆی دەکرد. لە ٢٠٠٨ بووە سەرۆکی کۆمەڵەی ھاریکاری ژنانی ھۆزەکان.[١]
لە ساڵی ٢٠٠٨، لەلایەن حکوومەتی ئەمریکا خەڵاتی ئازایەتی ژنانی نێودەوڵەتی بەخشرایە بیگوم جان، وە بووە یەکەم ژنە پاکستانی ئەو خەڵاتەی پێبدرێت.[٢][٣]
سەرچاوەکان
[دەستکاری]- ^ ئ ا «Women From 8 Countries Honored».
- ^ ئ ا Iqbal، Anwar (١١ی ئازاری ٢٠٠٨). «Fata woman receives courage award».
- ^ ئ ا ب «International Women of Courage Award Ceremony: 2008». 2001-2009.state.gov.
- ^ ئ ا «The Deseret News - Google News Archive Search». news.google.com.
 |
کۆمنزی ویکیمیدیا، میدیای پەیوەندیدار بە بیگوم جان تێدایە. |