بزوێنەری گەڕان (پێژمێری)

بزوێنەری گەڕان (بەئینگلیزی: Search Engine) سیستمێکی بەدەستھێنانەوەی زانیارییە کە دیزاین کراوە بۆ یارمەتیدان لە دۆزینەوەی زانیاریی کە ھەڵگیراوە لەسەر سیستمێکی کۆمپیوتەر. ئەنجامەکانی گەڕان زۆربەی کات نیشان دەدرێن وەک لیستەیەک و زۆر جار پێیان دەوترێت "hits". بزوێنەرەکانی گەڕان یارمەتی دەدەن بۆ کەمکردنەوەی کاتی پێویست بۆ دۆزینەوەی زانیاریی و ھەروەھا بۆ کەمکردنەوەی ئەو بڕە زانیارییەی کە پێویستە ڕاوێژیان پێ بکرێت. باوترین و دیارترین جۆری بزوێنەری گەڕان بریتییە لە بزوێنەری گەڕانی وێب کە بەنێو زانیارییەکانی تەونی بەربڵاوی جیھانیدا دەگەڕێت.