ئەمجەد عەلیمورادی
ئەمجەد عەلیمۆرادی | |
|---|---|
| لەدایکبوون | ١٩٥٤ |
| مەرگ | ٢٠١٣ |
| نەتەوە | کورد |
| پیشە | شانۆکار و نووسەر |
| کار | باوکی شانۆی سەقز |
ئەمجەد عەلیمۆرادی (لەدایکبووی ١٩٥٤ ھەتا ٢٠١٣، لە سەقز) ناسراو بە باوکی شانۆی سەقز، شانۆکار و نووسەر خەڵکی ڕۆژھەڵاتی کوردستانە کە لە بواری ھونەری شانۆ و شانۆگەری چالاک بوو.[١]
ژیان
[دەستکاری]ئەمجەد عەلیمۆرادی لە ساڵی ١٩٥٤ لە گەڕەکی ناوقەڵای سەقز لەدایکبوو. ئەو خوێندنی سەرەتایی ھەر لەو شارە تەواو کرد و پاشان بڕوانامەی کارزانی لە زانستگاە وەرگرد و لە ئیدارەی مۆخابرات بوو بە تەکنیککارێکی دوورپەیوەندی. لە ساڵی ١٩٦٨ دەستی بە چالاکییە ھونەرییەکانی کرد و یەکەمین گرووپی پرۆفێشناڵی شانۆی دامەزراند. ئەو یەکێک بوو لەدامەزرێنەرانی فیستیڤاڵی نێونەتەوەیی شانۆی کوردی[٢] لە ڕۆژھەڵاتی کوردستان. ئەو زیاتر لە ١٠٠ شانۆی لە ماوەی کاری ھونەری خۆیدا پێشکەش بە ھونەردۆستان کرد.[٣][٤]
بندیخانە
[دەستکاری]کاتێ سرودی «ئەی شەھیدان» لە سەرەتای شۆرشی ١٩٧٩ی ئێران و شۆرشی ڕۆژھەڵاتی کوردستان گەیییە گوێی کوردان کەم کەس دەیانزانی دەنگی ئەمجەد عەلیمۆرادییە و ئەوە بوو بە سەرەتایێ بۆ گۆڕینی ژیانێکی نەخوازراو. لە ھەشتاکان تا سەرەتای نەوەدەکانی زایینی زیندانی کرا و بیست ساڵ لەم بەندیخانە بۆ بەندێکیتر دەیانبرد و دەیانھاورد. تەنیا شانۆ دەیتوانی لە زەبرو زەنگی زیندان و تێوەگلانی مادەی ھۆشبەر ڕزگاری بکات. ھەرجار لە زیندانێک گرووپێکی شانۆی ساز دەکرد. دوایین شانۆی لە زیندانی سەقز ساز کرد و لە فستیواڵی سەرانسەری زیندانەکانی ئێران خەڵاتی باشترین دەرھێنەری وەرگرت.[٥][٦]
عەلیمۆرادی لە کۆتایی زستانی ٢٠١٣ لە نەخۆشخانەی شاری سەقز کۆچی دوایی کرد.[٧][٨]
بەرھەمەکان
[دەستکاری]شانۆ
[دەستکاری]ھەندێک لە بەناوبانگترین کارەکانی بریتین لە:
- شانۆی «شەھیدی دووەم» لە دەیەکانی ھەفتای زایینی
- شانۆی «گیانفیدا»
- شانۆی «تاوانبار کێیە»
- شانۆی «لە خزمەت بادا»
- شانۆی «چاو لە پێناو چاو»
- شانۆی «سەی کازم»
- شانۆی «خوازبێنی»
- شانۆی «پاڵەوان کەچەڵ»
- شانۆی «ئەسپی سپی»
- شانۆی «چوار سندوق»
- شانۆی «ھوراتییەکان و کوراتییەکان»
- شانۆی «ماچ و فرمێسک»
سروودی نەتەوەیی
[دەستکاری]- سروودی «ئەی شەھیدان»
سەرچاوەکان
[دەستکاری]- ^ مردی برای تمام فصول، هەواڵنێری واکاوی، ٢٠١٧
- ^ آغاز چهاردهمین جشنواره تئاتر کُردی سقز، عصر کرد، ٢٠١٧
- ^ عشق و علاقه ی واقعی وجه تمایز پدرم با بقیه بود ٤ی ئازاری ٢٠٢٢ لە وەیبەک مەشین، ئەرشیڤ کراوە.، هەواڵنێری شارنیوز، ٢٠١٤
- ^ درگذشت پدر تئاتر سقز، ئاسۆی ڕۆژهەڵات
- ^ پیر تئاتر سقز در گذشت، ئیسنا، ٢٠١٣
- ^ درگذشت پدر تئاتر سقز، هەواڵنێرانی جەوان، ٢٠١٣
- ^ هنرمند پیشکسوت تئاتر کردستان دار فانی ڕا وداع گفت ٤ی ئازاری ٢٠٢٢ لە وەیبەک مەشین، ئەرشیڤ کراوە.، وەزارەتی ئیرشادی ئیسلامی ئێران، ٢٠١٣
- ^ پیکر استاد امجد علی مرادی پدر تئاتر سقز به خاک سپرده شد، هەواڵنێری میهر، ٢٠١٣
