گوڵەستێرە

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

گوڵە ئەستێرە ( Firefly)

زۆرێک لە ئێمە لە شەوانی هاویندا و لە ناوچە جیاجیاکانی کوردستاندا و بە تایبەتی لە ناوچە لادێ نشینەکان و دەشت و دەر و قەراخ شاردا، مێروویەکی درەوشاوەی ورد سەرنجی راکێشاوین، پرسیاری لا دروستکردووین لەسەر چۆنێتی و هۆکارەکانی پشت ئەو فلاش لێدان و درەوشانەوە و رووناکی درووستکردنەی ئەو مێرووە ووردەی کە لە کوردەواریدا بە گووڵە ئەستێرە ناسراوە.

گوڵە ئەستێرە “Firefly” ، جۆرێکی قالۆنچەیە، قەبارەیەکی ووردی هەیە، لەو مێرووانەیە کە بەشەوان چالاکن. مێروویەکی ڕاوکەرە و بە دووی نێچیردا دەگەڕێت، ئامرازی پێوەدانی نییە و هیچ زیانێک بە مرۆڤ ناگەیێنێت و نەخۆشیش ناگوێزێتەوە. ئەم مێرروانە بەوە ناسراون کە دەدرەوشێنەوە و رووناکی درووست دەکەن، ئەم رووناکییەش بە رێگەیەکی بایۆلۆجییانە دروست دەبێت لەناو خانەکانی لەشی گوڵە ئەستێرەکەدا بەتایبەتی خانەکانی لای کۆتایی لەشییەوە. کە خانەی تایبەتمەندن بە درووستکردنی رووناکی بە بوونی گەردیلە کیمیاییە ووزەهەڵگراکان ATP و ئەنزایمی لیوسیفیرینەیز ئەو ووزەیە لە بری گۆڕینی بە گەرمی، دەگۆڕدرێت بە رووناکی و بە درەوشانەوە لە کۆتایی لای سکییەوە دەردەپەڕێت. دیاردەی درووستکردنی رووناکی و فلاش لێدان لەم قالۆنچەیەدا بۆ مەبەستی پەیوەندی کردنە لە نێوان تاکەکانی هەمان جۆردا، زیاتریش بۆ لێکتر نزیکبوونەوەی نێر و مێییەکانە و دۆزینەوە و هەڵبژاردنی تاکی بەرامبەرە بۆ بەجێهێنانی کرداری جووت بوون. جاریش هەیە بە رێکەوت مێیینەکە برسیەتی و بۆ نێچیری باش دەگەڕێت، بۆیە دەکەوێتە فلاش لێدان، لەو لاشەوە نێرینەیەکی داماو بە دوای هاوەڵێکی مێینەدا دەگەڕێت بۆ جووتبوون، بۆیە دەکەوێتە داوی ئەو گووڵە ئەستێرە برسییەی کە فلاش لێدەدات و لێی نزیکدەبێتەوە، بەڵام لە بری جووتبوون دەبێت بەخۆراک!


سەرچاوە[دەستکاری]

سەرچاوە: زانیاری