سێلین دیۆن

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
سێلین دیۆن لە ساڵی ٢٠١٢

سیلین دیۆن (بە ئینگلیزی: Celin Dion) ناوی تەواوی (سیلین ماری کلاودێت دیۆن)ە. گۆرانی بێژێکی کەنەدی بەناوبانگی جیھانیە کە بە چەندین شێوازی (پۆپ, دانس, ئاڕ ئەند بی, پۆپ ڕۆک, سۆفت ڕۆک) گۆرانی دەڵێت. لەگەڵ گۆرانی وتن ئەم ھونەرمەندە تا ئێستا چەندین گۆرانی بەرھەم ھێناوە و ھۆنراوەی بۆ چەند گۆرانیەکی خۆی و گۆرانی بێژی دیکە نوسیوە.

ژیانی[دەستکاری]

لە (٣٠/٣/١٩٦٨) لە (شارلمەین)ی (کەنەدا) لە دایک بووە , ھەرچەندە ئەم خانمە گۆرانی بێژە لە کەنەدا لە دایک بووە , بەڵام باوکی بە ڕەگەز فەڕەنسیە و دایکیشی (ئیتاڵیی)ە. (سلین دیۆن), بە رێی کارە ھونەریەکانی و بە بەھێزی دەنگی توانیویەتی ناوبانگێکی باش بۆ خۆی پەیدا بکات و بگاتە ئەو ئاستەی کە بە سەدان خەڵاتی جیھانی بە دەست بھێنێت و تەنانەت چەندین ھونەرمەندانیش بە مامۆستای خۆیانی دەزانن. (سلین دیۆن) یەکەم گۆرانی بە زمانی فەڕەنسی لە تەمەنی ١٢ ساڵی دا بە ناوی (Ce n'était qu'un rêve) لەسەر شێوازی (پۆپ) بڵاو کردەوە کە لە لایەن دایک و باوکی و براکەیەوە ھاوکاری کرا بوو بۆ بەرھەم ھێنانی. دیۆن, دواتر و لە ساڵی ١٩٨٣ بە ئەلبومی D'amour ou d'amitié لە تەمەنی ١٥ ساڵیدا توانی یەکەم خەڵات بە دەست بھێنێت ئەویش خەڵاتی Félix Award بوو کە خەڵاتێکی بەناوبانگی کەنەدیە.

ئەو ھونەرمەندە, لە تەمەنی ٢٠ ساڵیدا بەشداری لە چەند کۆرسێکی ڕێکخستنی دەنگ لەسەر پەیژەکانی مۆسیقا کرد, وە ٢ ساڵ دوای فێربونی زمانی ئینگلیزی لە ساڵی ١٩٩٠ دا یەکەم ئەلبومی بە زمانی ئینگلیزی بە ناوی Unison بڵاو کردەوە , وە لە ڕێگەی ئەو ئەلبومەوە توانی (ئەکادمی ئەوارد) بەدەست بھێنێت. سیلن دیۆن, لە ساڵی ١٩٩٧ دا و لە ڕێگەی فیلمی (تایتانک)ەوە توانی خەڵاتی ئاڵتونی (گۆڵدن گڵۆب) بەدەست بھێنێت, کە یەکێکە لە خەڵاتە ئاڵتونییە بەناوبانگەکان , وە ھەر لە ھەمان ساڵ دا گۆرانییەکی لەگەڵ ھونەرمەندی بەناوبانگ (بەربرا سترایسن) بە ناوی (تێڵ ھم) بڵاو کردەوە و دواتر سەرکەوتنێکی گەورەی بەدەست ھێنا. ھەر لە ساڵی ١٩٩٧دا ,دیۆن لە شەقامی Hollywood walk of fame داخەڵاتی ئەستێرەی شەرەفی ھۆڵیودی بەدەست ھێنا دواتر و لە ساڵی ٢٠٠٠ دا بە گۆرانی (God blasé America) کە بۆ ڕوداوی ١١ی سێپتەمبەر وتبوی وەک گۆرانییەکی نیشتیمانی بۆ ئەمریکا دەستنیشان کرا. ھونەرمەند لە ساڵی ٢٠٠٢ دا بە ئەلبومی a new day has come گۆرانییەکانی بۆ billboard hot ١٠٠ ی ئەو ساڵە ھەڵبژێردرا .

بەرهەم و خەڵاتەکانی[دەستکاری]

سلین دیۆن تا ئێستا خاوەنی ٢٥ ئەلبومە کە ١٢ یان بە زمانی فەڕەنسییە و ١٠ ئەلبومیان بە زمانی ئینگلیزییە و ٣ ئەلبومەکەی دیکەشی great hits ە کە لە کۆکراوەی ھەموو گۆرانییە خوشەکانی ئەو ھونەرمەندە پێک ھاتووە , دیۆن تا ئێستا بەشداری لە ٧ فیلمی سینەمایی دا کردووە و زیاتر لە ١٠٠٠ خەڵاتی بەدەست ھێناوە .


سەرچاوە[دەستکاری]