دیێگۆ ڤێلاسکێس

وێنەی ھونەرمەند کە بە دەستی خۆی کێشراوەتەوە.

دیێگۆ ڤێلاسکێس (١٥٥٩-١٦٦٠)(بە ئیسپانی: Diego Velázquez) وێنەکێشی بەناوبانگی سەدەی حەڤدەی ئیسپانیایە. ڤێلاسکێس لە سێڤیلدا لە دایک بووە و لە مادریددا کۆچی دوایی کردووە. گرنگایەتیی ڤێلاسکێس لەوەدایە کە ناوەرۆکی دنیایی بە شێوەکاریی ئیسپانیا بەخشی.

ژیانی

ڤێلاسکێس لە شاری سێڤیلدا لە دایک بوو. لەوێدا لە لای پاچێکۆ فێری شێوەکاری بوو و مامۆستاکەی کچەکەی بە ژنی پێ دا. دواتر چوو بۆ مادرید بۆ دەرباری فیلیپی چوارەم و بوو بە شێوەکاری بنەماڵەی پاشایەتی. ئەو گەلێک تابلۆی لە فیلیپ و بنەماڵەی پاشایەتیی ئیسپانیا کێشا. لە ساڵە دوایینەکانی ژیانیدا بوو بە بەرپرسی بەڕێوە بردنی کارەکانی کۆشکی پاشایەتی و بە ھۆی کاری زۆرەوە لە ساڵی ١٦٦٠دا تووشی یاو بوو و کۆچی دوایی کرد.

کارەکانی

ئەمانە چەن تابلۆیەکی بەناوبانگی ڤێلاسکێسن:

• ئیناسێنتی دەھەم
• خانمە خزمەتکارەکان
• ڤێنووسی ڕاکێبی (ڤێنووس لە ئاوێنەدا)
• بادەنۆشەکان

سەرچاوەکان

Durant, W. and Durant, A. (1989). “The Story of Civilization: Age of Reason Begins,” pp. 387- 395, World Library, Inc., USA.