تۆڕی خۆجێیی

تۆڕی خۆجێیی یان تۆڕی لۆکاڵ (بە ئینگلیزی: Local Area Network یان LAN) تۆڕێکی کۆمپیوتەرییە کە لە ڕووبەرێکی سنوورداری جوگرافیایی وەک ماڵ، قوتابخانە، تاقیگە یان نووسینگەیەکدا کۆمپیوتەرەکان و دەزگاکانی پێکەوە بەستۆتەوە. تایبەتمەندییەکانی جیاکەرەوەی تۆڕە لۆکاڵەکان لە تۆڕە بەربڵاوەکان بریتین لە ڕادەی بەرزتری گواستنەوەی داتا، ڕووبەری بچووکتری جوگرافیایی و نەبوونی پێوسیتی بە ھێڵی کرێکراو.

لە ڕابردوودا بۆ سەرپاکردنی تۆڕی خۆجێیی لە ARCNET و تۆکەن ڕینگ و ژمارەیەک ستانداردی تر سوود وەردەگیرا، بەڵام ئێستاکە ئیسەرنێت و وای-فای دوو تەکنۆلۆژیای باوی سەردەمن.