کاوە (کۆوار)

لە ئینسایکڵۆپیدیای ئازادی ویکیپیدیاوە
Jump to navigation Jump to search

گۆڤاری کاوه بە زمانی فارسی، لە بەرلین دەرچووە و سەرنووسەرەکەی "سەید حەسەنی تەقیزادە(١٢٥٧-١٣٤٨ی هەتاوی)" بووە. ئەو گۆڤارە دە دوو دەوراندا دەرچووە: دەورەی یەکەم کە لە سەردەمی شەڕی یەکەمی جیهانیدا بووە، دە نێوان ساڵانی ١٩١٦(١٢٩٤ی هەتاوی) و ١٩١٩(١٢٩٨ی هەتاوی)دا دەرچووە. دەورەی دووهەم دە نێوان ساڵانی ١٩٢٠(١٢٩٩ی هەتاوی) و ١٩٢٢(١٣٠١ی هەتاوی)دا دەرچووە. "کاوە" دە دەورەی یەکەمدا کە هەر دوو حەفتەی ژمارەیەکی لێدەردەچووە، گۆڤارێکی سیاسی بووە؛ نێوەرۆکەکەی زۆرتر ئەو بابەتانەی گرتۆتەوە کە بە پشتیوانی لەئاڵمان و هاوپەیمانەکانی(عوسمانی، ئوتریش و بولغارستان) دەنووسران. دە دەورەی دووهەمدا کە مانگانە دەرچووە، باری سیاسییەکەی نەماوە و بووە بە گۆڤارێکی ئەدەبی- فەرهەنگی. ئەو گۆڤارە لە ژێر چاوەدێریی دەوڵەتی ئاڵمانێ چاپ بووە و خەرجەکەشی هەر لە لایەن دەوڵەتی ئاڵمانەوە دابین کراوە.

ساڵی ١٣٤٢ی هەتاوی(١٩٦٣ی زایینی) گۆڤارێکی دیکەی فەرهەنگی- کۆمەڵایەتی بە ناوی "کاوە" لە "مونیخ"ی ئاڵمانێ دەرچووە کە "د. محەممەدی عاسێمی" سەرنووسەرەکەی بووە. بە وتەی سەرنووسەرەکەی کە ساڵی ٢٠٠٩(١٣٨٨ی هەتاوی) لە تەمەنی ٨٤ ساڵیدا کۆچی دوایی کردووە، ئەو گۆڤارەش هەر بە نێوی "کاوە"ی "سەید حەسەنی تەقیزادە" کراوە.


سەرچاوەکان[دەستکاری]

  • لاپەڕەی جه‌عفه‌ری حوسێنپوور(هێدی) له فەیسبووک
  • ویکیپیدیای ئینگلیسی