پێرستی گەرماوەکانی سلێمانی
سلێمانی لەگەڵ دروستکردنی لەسەر شێوازێکی پێشکەوتوو و بنەمایەکی شارستانی دروستکرا, و دروستکردنی گەرماویش یەکێک بووە لە شتە گرنگەکانی ئەم شارە، کە زۆربەیان لەسەر شێوازێکی ڕۆژھەڵاتی دروست کراون. ئەم گەرماوانە ھەمووی توونیان ھەبوو لە پشتی خەزێنەی ئاوەکە، و توونچیان ڕاگرتبوو بۆ ئەوەی پەیین بھێنێە بیخاتە توونخانەکەوە و بیسوتێنێ لە بری نەوتی ڕەشی ئێستا. پێشتر پەیینەکەیان لەسەربانی حەمامەکە ھەڵدەخست بۆ ئەوەی ووشک ببێتەوە, و سەری ئەم حەمامانە ھەمووی کڵاو ڕۆژنەیان ھەبوو لەسەر گومەزەکەیانەوە. بە زستانان شوشەیان تێ دەخست و ھاوینان لایاندەبردلە بەر ھەڵماوی گەرماوەکە. زۆر جار مناڵان ئەچوون لە کڵاو ڕۆژنەکەوە سەیری ژنانیان دەکرد تــــــا توونچیەکە دەھات و ڕاوی دەنان و دریدەکردن . چەندان جــار خەزێنەی ئاوەکە دڵۆپەی دەکردواتا ئاو دزەی ئەکرد توونچەکە قوڕە سوورەی دەبرد دەیدا لەو درزانە, بەڵام لە وەختی ژناندا چاوی توونچیەکەیان دەبەستەوە و بەناو حەمامەکەدا دەچووە خەزێنەی ئاوەکە تــــا وەکو ئافرەتان بەڕووتی نەبینێ. و لە وەرزی زستاناندا لەناو حەمامەکان شیر و شێلم دەفرۆشرا.
- گەرماوی وەسمان پاشای بابان شوێنی سینەما سیروان.
- گەرماوی گازێ شوێنی گەرماوی سەرچناری ئێستا کە موڵکی دایکی حەمە ئاغای ئەورەحمان ئاغا بووە.
- گەرماوی مەیان شوێنی قەیسەری محەی دگلی ئێستا.
ئەم سێ گەرماوەی لەسەرەوە ناوبران لە سەردەمی عوسمانیەکانەوە نەماون و رووخاون و ھەندێ لە پیاوە بەتەمەنەکانی شار دەڵێن ئێمە مناڵ بووین لەگەڵ دایکمان دەچووینە ئەو گەرماوانە و ئەوکات پارە کەم بوو و ژنان لە جیاتی پارە دوو بۆ سێ ھێلکەیان دادەنا.
- گەرماوی فاتمەخان : تەنیشت سەرا کە موڵکی عەزمی بەگی بابان بووە. ســاڵی ١٩٥٤ لە زەمانی عومەر عەلی موتوسوریفدا رووخاوە و خراوەتە سەر سەرا.
- گەرماوی قــشــڵە : لە شەقامی مەولەوی موڵکی حەمە ئاغای ئەورەحمان ئاغا.کە لە ســاڵی ١٩٧٤ شارەوانی تێکیداوە و کردی بە دووکان و بازاڕ, ئێستا شوێنی بازاڕی دەبۆکەیە.
- گەرماوی شێخ مارف : تەنیشت بازاڕی سەلاحەدین, موڵکی شێخ مارفی نەقیب بووە و دوایی فرۆشرا و کوڕانی ێالحی ڕەشە کڕییان.
- گەرماوی سورەت : لای مەیدانی (کا)یەکە موڵکی کەریمی عەلەکە بوو، ئەم گەرماوە دیوارەکانی ھەمووی وێنەی پاڵەوان بوو بە سواری ئەسپ و قەڵغان و شیر و تیروکەوان بەدەستەوە و وێنەی ڕۆستەم و زۆراب و مار و باڵندە و درەختی ھەمە جۆر بە گەچ لەسەر دیوارەکانی نەخشا و ڕەنگاوڕەنگ کردبوو. بۆیە بە حەمامی سورەت ناو دەبرا، و وێنەکانیش دەستکردی ھونەرمەندی گەورەی کورد حەسەن فەلاح بوو.
- گەرماوی غەفور ئاغا (حەمامە بچکۆلەکە) : بەرامبەر گومرگە سووتاو بوو کە موڵکی غەفور ئاغای حاجی ئەوڵا بووە.
- گەرماوی تــازە : بەرامبەر مزگەوتی حاجی مەلا عەزیز, سەرشەقام. موڵکی حاجی سەعید ئاغا بووە.
- گەرماوی حاجی غەنی : کۆڵانی تەنیشت خانەقای مەولانا خالیدی نەقشبەندی.
- گەرماوی حاجی ئەوڵا : سەرووی خانەقای مەولانا خالیدو موڵکی حاجی ئەوڵا بووە.
- گەرماوی موفتی : لە سابونکەران، موڵکی عەبدول کەریم و باربارا ئەلەکە کە خوشک و برای کەریمی ئەلەکە لەگەڵ
ماڵی موفتی .