وتووێژ:ناوی مێواندار

لە ئینسایکڵۆپیدیای ئازادی ویکیپیدیاوە
Jump to navigation Jump to search

پێشنیاری گۆڕینی ناو[دەستکاری]

خانەخوێ وشەیەکی کورمانجی ناوینە و ھاوواتاکانی تری ھەر لە کوردیی ناوەڕاستدا بریتین لە یانەوان، مێواندار، ماڵەوان و ھتد. ھەروەھا لە کورمانجیی ژووروودا مازووڤان، مێڤاندار و ... لە کوردیی خواروو، لەکی و لوڕیدا مێماندار لە زازاکیدا مەیماندار و ... لە ھەورامیدا وادەزانم ھەر یانەوان و مێماندار (ئەڵبەتە بۆ ھەورامی دڵنیا نیم) بەکار دێ. بۆیە باشترە مێواندار لە جیاتی خانەخوێدا بەکاربێنین.کاردۆ جاف (لێدوان) ‏٢١:١٧، ٢٦ی شوباتی ٢٠١٨ (UTC)

راستییەکەی خانەخوێ مانای ڕوونە یانی خاوەنی خانوویەک کە تۆ میوانی بی. خۆ لێرەدا ئێمە خانوومان نییە. یان لە ئینگلیزیدا بەو خانمانە لە فرۆکەدا خزمەت دەکەن دەڵێن hostess خۆ ناکرێ بەمانە بڵێین خانەخوێ! ئەمانە میواندارن و میوانداری دەکەن. بەگشتی میواندار زۆر زیاتر بۆ Host دەگونجێ ھەتا خانەخوێ. لە ئەڵمانیشدا ھەر دەڵین Gastgeber و Gast یانی میوان و geber بدەر و تێکڕا میواندار. مازوڤان-یش ڕێک بە مانای Hostە بەڵام لە شێوەزاری ئێمەدا کەمتر باوە.--چالاک وتووێژ ‏٠٩:٢٣، ١ی ئازاری ٢٠١٨ (UTC)

بەڵێ هەروایە بەڕێز @Calak:. لە ڕاستیدا مازووڤان هاوڕیشەی وشەی میزبانی فارسییە و واتە خاوەن مێز کە لەسەری خواردن دەدەن بە مێوان. @ئارام بکر:، @Épine: تکایە ناوی ئەم وتارە بگۆڕن بۆ ناوی مێواندار.کاردۆ جاف (لێدوان) ‏١٩:٤٧، ١٦ی ئازاری ٢٠١٨ (UTC)

میزبان فارسی و مازووڤانی کوردی پێوەندییان بە وشەی مێز بە مانای tableەوە نییە و ئەو بۆچوونە ڕواڵەتییە. وشەکە لە زمانی پاڵەویدا مێزد بووە. مێزد لە پاڵەویدا یانی offering و meal. لە ئەویستاییدا miiazda- بووە ھەر بە مانای offering. ھەر لە کوردییەکەی ڕا کە مێز نییە و ماز-ە دیارە پێوەندیی بە مێز-ەوە نییە. سپاس.--چالاک وتووێژ ‏٢٠:٢١، ١٦ی ئازاری ٢٠١٨ (UTC)
دروستە، ڕاست ئەفەرمووی پەیوەندی بە مێزەوە نییە.کاردۆ جاف (لێدوان) ‏١٥:٢١، ٢١ی ئازاری ٢٠١٨ (UTC)
ئێستا بکرێتە چی و یەکدەنگی لەسەر چییە؟--‏◂ ئێپین لێدوان ‏١٧:٥٨، ٢٠ی ئازاری ٢٠١٨ (UTC)

بەڕێز @Épine: دیدی من و بەڕێز @Calak: ناوی مێواندارە. کاردۆ جاف (لێدوان) ‏١٨:٣٩، ٢٠ی ئازاری ٢٠١٨ (UTC)

ئەگەر ھیچ بۆچوون یان ڕایەکی تر نییە، دەیگوازمەوە. سوپاس بۆ ھەموو لایەک.--‏◂ ئێپین لێدوان ‏١٨:٤٢، ٢٠ی ئازاری ٢٠١٨ (UTC)
 کرا ‏◂ ئێپین لێدوان ‏٢٠:٠٩، ٢٣ی ئازاری ٢٠١٨ (UTC)

ئەو بۆچوونەم کە «خانەخوێ مانای ڕوونە یانی خاوەنی خانوویەک کە تۆ میوانی بی» ھەڵەیە. لە ڕاستیدا خانەخوێ لە بنیچەدا خوانەخوا بووە دوایی بووەتە خانەخوا و ئەوجار خانەخوێ. «خانەخوێ یانی خاوەنی خوانێک کە تۆ لێی دەخۆی». لە ڕووی ماناوە بە مازووڤان نزیکە.--چالاک وتووێژ ‏١٦:١٤، ٢٢ی ئایاری ٢٠١٨ (UTC)