فائیق کاکەمین
فائیق کاکەمین :(١٨٩٧-١٩٥٥) ئەفسەر و نووسەر
سەرەتای ژیان و خوێندنی
[دەستکاری]
فایەق کوڕی کاکەمین کوڕی عەبدولکەریم کوڕی حاجی عەباسی سیوەیلییە، ساڵی ١٨٩٧ لە سلێمانی لەدایک بووە. قوتابخانەی ڕوشدییەی عەسکەریی سلێمانی و ئەعدادیی عەسکەریی بەغدا و پاشان مەکتەبی حەربییەی ئەستانەی لە ١٩١٤دا تەواوکردووە.[١][٢]
خولی سەربازی
[دەستکاری]براوەتە لیوای ٧٨ی چەناق قەلعە و بەشداری شەڕەکانی بووە. ئەمجا بەشداریی لە چەند خولێکی مەشقی قوتابخانەی گوللەپژێنی قورس و سووک (الرشاشات الثقیلە والخفیفە) و قوتابخانەی بۆمبای گڕگرتوو (المائعات المشتعلە) و قوتابخانەی فڕۆکەوانیدا کردووە لە ئەیاستەفانۆس و بە ئەفسەری فڕۆکەوان دەرچووە. گواستراوەتەوە بۆ فەوجی دووەمی ھێرشبردن.[١][٢]
بەشداری لە جەنگدا
[دەستکاری]بەشداری شەڕەکانی ڕۆما و بوخاریست بووە و بریندار کراوە. چەند مەدالیایەکی لەسەر ئازایەتی وەرگرتووە و کراوە بە مولازمی یەکەم.[١][٢]
ئەفسەر ناو حکوومەتی کوردستان
[دەستکاری]کۆتاییی جەنگ ھاتووەتەوە بۆ وڵات، بووە بە ئەفسەرێکی ناو حکوومەتی کوردستان بە پلەی مولحەقی قوماندانی عەسکەری کوردستان، تا ١٩٢٣ ماوەتەوە.[١][٢]
چەند خولێکی سەربازی دیكە
[دەستکاری]پاشتر چووەتە ناو سپای عیراق. لە قوتابخانەی یاریدەدەرانی تایبەت بە ئەفسەراندا بە ئیمتیاز دەرچووە. بەشداریی لە چەند خولێکی گوللەپژێن و پیادە و دەستڕێژکردن و ھەواڵگری و فڕۆکەوانی و قوتابخانەی پێشکەوتووانی تایبەت بە فەرماندەکانی کولێجی ئەرکاندا کردووە و بە پلەی ئیمتیاز سەرکەوتووە. دوا پایەی لە سوپادا سەرھەنگ (عقید) بووە. ١٩٤١ خانەنشین کراوە.[١][٢]
کۆمەڵی پشتیوانی کوردان
[دەستکاری]١٩٢٧ بە ئەندامێکی (کۆمەڵی پشتیوانی کوردان) ھەڵبژێردراوە.[١][٢]
كۆچی دوایی
[دەستکاری]لە ١٩٤٦ بەدواوە خەریکی بازرگانی بووە. ساڵی ١٩٥٥ کۆچی دواییی کردووە.[١][٢]
نووسینەكانی
[دەستکاری]نووسینی بڵاوکراوەی لە گۆڤاری "گەلاوێژ" و "دەنگی گێتیی تازە"دا ھەیە.[١][٢]
سەرچاوەکان
[دەستکاری]- ^ ئ ا ب پ ت ج چ ح گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل8154-8155
- ^ ئ ا ب پ ت ج چ ح عبدالمجيد فهمي حسن، دليل تاريخ مشاهير الألوية العراقية، ج1 لواء السليمانية، 1946، ص143-144؛ ڕۆژنامەکانی سەردەمی حوکمی شێخ مەحموود، ("ڕۆژی کوردستان"، ژمارە ١٢، ١٠/٢/¬١٣٣٨، ل٣)؛ احمد خواجە، چیم دی، ب٣، سلێمانی، ١٩٧٠، ل٢٩-٣٢؛ چەند زانیارییەکی خاتوو "نازدار کامیل کاکەمین"ی برازای فایەق کاکەمین.