عیماد عەبدوسەلام ڕەئووف
عیماد عەبدوسەلام ڕەئووف | |
|---|---|
 عیماد عەبدوسەلام ڕەئووف لە ٢٠١٨ | |
| لەدایکبوون | ١٩٤٨ عێراق، بەغدا |
| مەرگ | ٢٧ی حوزەیرانی ٢٠٢١ (٧٢–٧٣ ساڵ ژیاوە) هەولێر |
| مناڵ(ەکان) | ٣ |
عیماد عەبدوسەلام ڕەئووف (لەدایکبووی ١٩٤٨، بەغداد - مردووی ٢٧ی حوزەیرانی ٢٠٢١، هەولێر) مێژوونووس و زانای گەورەی عیراقی دکتۆر عیماد عەبدوسەلام ڕەئووف، ساڵی ١٩٤٨ لە شاری بەغدا لەدایکبووە و بە ڕەچەڵەک خەڵکی دەوری مووسڵە. لەوێ دەستی‌کردووە بە خوێندن. سەرلەبەیانیی یەکشەممە ٢٠٢١/٦/٢٧ کۆچی دوایی کردووە.[١]
ژیان
[دەستکاری]ساڵی ١٩٧٠ بەشی مێژووی کۆلیجی ئادابی زانکۆی بەغدا تەواوکردووە. ١٩٧٣ گەواهینامەی ماستەری لە مێژووی نوێ لەسەر “ولایة الموصل في العهد الجلیلي ١٧٤٩-١٨٣٤” وەرگرتووە. ١٩٧٦ دکتۆرای لە هەمان زانکۆ لەسەر “الحیاة الاجتماعیة في العراق في عهد الممالیک ١٧٥٠-١٨٣١” بەدەست‌هێناوە. سەرۆکی ناوەندی ژیاندنەوەی کەلەپووری زانستیی عەرەبی (مرکز احیاء التراث العلمي العربي) لە زانکۆی بەغدا و مامۆستای مێژووی نوێیش بووە لە کۆلیجی پەروەردەی هەمان زانکۆ. سەرپەرشتیی گەلێک ماستەر و دکتۆرای لە مێژووی ئیسلامی‌دا کردووە.[٢]
بەرهەمەکان
[دەستکاری]بەشێکی دانراوەکانی وەرگێڕدراونەتە سەر زمانەکانی ئینگلیزی، فەڕەنسەیی، تورکی، فارسی، کوردی و ئەندەنووسی و چینی. لە نزیکەی حەفتا گۆڤاردا نووسیویە، وەک: سومر، المورد، مجلة المجمع العلوم العراقي، آداب الرافدین، المسلم المعاصر، اسلامیة المعرفة، المؤرخ العربي، التجدید، العلم والایمان، مجلة جامعة أم القری، المعطار، الانسان، الدراسات الاسلامیة، مجلة التاریخ الاسلامي، آفاق الثقافة والتراث، حولیة کلیة الشتیعة والقانون والدراسات الاسلامیة، الافاق، ژین. ١٠٢ کتێبی لەچاپدراوی هەیە، لەوانە ٤٠یان ساغکردنەوە و ٦٢یان دانراون.
سەرچاوەکان
[دەستکاری]- ^ ویکیپیدیای عەرەبی - نهێنیی ژیانی عیماد عەبدولسەلام
- ^ بنکەی ژین - کۆچی دوایی دکتۆر عیماد عەبدولسەلام
