حەزرەتی شێخ محی الدین نەقشبەندی پیرخضری چەمپاراوی

ناوی تەواوی:

  شێخ محی الدین نەقشبەندی پیرخضری چەمپاراوی ، کوڕی شێخ مەلا عبدالقادر نەقشبەندی کوڕی سەیید محمد، کوڕی سەیید ئەحمەد ، کوڕی سەیید مصطفى ، لە نەوەى مامۆستا مەلا سەیید حسنە ، کە مەزاری پیرۆزی لاى مەزارى (پیرمەسور ) لە گەڕەکی حاجی حانی شارى سولەیمانیە ، لە ساداتی پیرخضری شاهۆیە ، لە نەوەى حەزرەتی ئیمام (رضا)ی مەشهەدە.

  لەدایکبوونی:

رۆژی سێ شەممە ، 5/7/1932 – زاینی ، کاتژمێر : 8ی بەیانی ، لە گوندی (چەمپاراوی) ناوچەى بانەى کوردستانی ئێران .

شوێنی نیشتەجێ بوون :

کوردستانی ئێران و عێراق .

مەزهەبی:

شافیعی مەزهەب بووە .

بیروباوەڕی:

لەسەر بیروباوەڕی پێشەوا ئەشعەری بووە .

تەسەووفی:

مورشید و ڕابەری تەریقەتی نەقشبەندی بووە .

بنەماڵەی حەزرەتی شێخ محی الدین نەقشبەندی پیر خچری چەمپاراوی

    ئەم بنەماڵە پیرۆزە دەگەنەوە بە مامۆستا مەلا سەیید حەسەن کە لە (حاجی تەکیە)ی قەیوانەوە هاتونەتە شارى سولەیمانی ، وە دەچنەوە لە نەسەبا بۆ حەزرەتی ئیمام (رضا)ی مەشهەد.

تەسەووف و عیرفانی:

ڕابەرو مورشیدی گەورەی دیاری رێبازى پیرۆزی نەقشبەندی بووە.

پرۆسەى هاوسەرگیری:

      لەگەڵ حاجی سەیید زادە (مینا) خانی کچی حاجی شێخ رەشیدی بۆسکانی ، لە ساداتی بەرزنجە لە رۆژی دوو شەممە 10/8/1953- زاینی ، پرۆسەى هاوسەرگیری ئەنجامداوە.

ئەولادەکانی:

  1)  شێخ عین الدین      2)    فاطمە خان            3)    شێخ بهاء الدین .

زانست و خوێندنی:

  سەرەتا لە 6/9/1939- زاینی ، رۆژی چوار شەممە لە خزمەت باوکیدا لە مەدرەسەی خانەقای شێخانی چەمپاراو دەست دەکات بە خوێندن.

پاشان لە خزمەت مامۆستا مەلا (نصر الله)ی کەندەسورەى ناوچەى بانە کەوانەبێژی مەدرەسەی خانەقای شێخانی چەمپاراو بووە لە ساڵی 1942- زاینی دەخوێنێت .

پاشان لە خزمەت مامۆستا مەلا ئەحمەدی نەمەشیری بانە ، کەوانەبێژی مەدرەسەی خانەقای شێخانی چەمپاراو بووە دەخوێنێت لە ساڵی 1944- زاینی.

     پاشان لە خزمەت مامۆستا مەلا مەحمودی محمدی ئارمردەى ، کەوانەبێژی مەدرەسەی شێخانی نەقشبەندی چەمپاراو بووە، لە رۆژی چوارشەممە 13/3/1946- زاینی دەست دەکات بە خوێندن.

   پاشان دەچێتە گوندی (بناویانی) ناوچەی پێنجوێن کە موڵکی شێخانی نەقشبەندی چەمپاراوە ، لەوێ لە خزمەت مامۆستا (مەلا صاڵح ی هەنگەژاڵ)ی دەخوێنێت لە ساڵی 1948- زاینی.

   پاشان دەگەڕێتەوە بۆ مەدرەسەی خانەقای شێخانی نەقشبەندی چەمپاراو لە خزمەت مامۆستا مەلا حمە ئەمین بەلوەى ، کە وانەبێژی مەدرەسەی نەقشبەندی بووە لە خانەقای چەمپاراو درێژە بە خوێندن ئەدات لە ساڵی 1950- زاینی.

      پاشان لە خزمەت مامۆستا مەلا کامیلی تەوێڵەیی کە وانەبێژی مەدرەسەی شێخانی نەقشبەندی چەمپاراوی بووە لە 1/7/1953- زاینی .

   پاشان دەچێتە شارى سولەیمانی لە خزمەت مامۆستا (مەلا عبدالکریمی مدرس) لە ساڵی 1954- زاینی ، دەست دەکات بە خوێندن ، لە رۆژی سێ شەممە 25/9/1956- زاینی بڕوانامەی زانستی لە خزمەتیا وەردەگرێت لە مزگەوتی (حاجی حان) لە سولەیمانی.

تەسەووف و تەریقەتی حەزرەتی شێخ محی الدین نەقشبەندی پیر خضری چەمپاراوی

 

   لە دوای تەواوکردنی زانستە شەرعیەکان و وەرگرتنی مۆڵەتی زانستی ، لە خزمەت باوکیدا مورشید و ڕابەری تەریقەتی نەقشبەندی حەزرەتی شێخ عزالدین نەقشبەندی ، دەست دەکات بە سەیرو سلوکی  عیرفانی ، پلەوپایەکانی عیرفان و تەریقەتی نەقشبەندی تەواو دەکات ، وە لە خزمەتیا مۆڵەتی ئیرشاد وەردەگرێت .

    وە لە رۆژی شەممە 23/3/1974- زاینی دەبێتە جێگەدارو مورشیدی ناودارى رێبازی پیرۆزی نەقشبەندی.

 

چەند فەرموودەیەکی حەزرەتی شێخ محی الدین نەقشبەندی

1. پێویستە خاوەنی تەقوا بین .
2. زیکرو یادی خوا زیاتر بکەین .
3. لەخوا ناسینەوە دەگەینە خۆناسین .
4. بە نوری خواناسی هەواو هەوس لە بەین بەرین.
5. سەرچاوەى خراپەو فەساد لە دونیا سێ شتە  : فیزو دەمار ، تەماعی دونیا ، حەسادەت .
6. ئەدەب لە خوا ، بە جێ بە جێ کردنی ئادابی خوای و ئادابی حەزرەتی رەسول الله () و ئادابی ئەسحابی بەڕێز دەبێت.
7. ئەگەر دونیات دەوێت شەو نوێژ بکە ، ئەگەر دوا رۆژت ئەوێت شەو نوێژ بکە .
8. هەمیشە لە ناخدا موناجات بکە لە خزمەت خوادا.
9. بزانە ئەحکامی شەریعەت و دین لە کێ وەردەگریت.
10. پێویستە موریدەکان هەمیشە لە ڕێگەى تێکۆشندا بن ، لە ڕێگەى زیکرو یادی خوا.
11. دەست بە شەریعەتی حەزرەتی رەسول الله وەربگرن.
12. لە خۆشەویستی دونیا وازبێنن.
13. لە نیشانەکانی تەریقەتی نەقشبەندییە گرنگی دان و خزمەت کردنی هەژاران .
14. گەیشتن بە نوری خوایی بە دڵەکانە ، نەک لاشەکان .
15. خۆ بەکەم دانان ، مایەی سەربەرزی و عیززەتی هەردوو دونیایە.

چەند ئاکارو ئەخلاقی حەزرەتی شێخ محی الدین نەقشبەندی

  لە تەریقەتی نەقشبەندی چەمپاراویدا دەبێت مورشید و عاریف خاوەنی ئەم ئاکارو ئەخلاقانە بێت :

●     سودو قازانجی خەڵکی لە پێش سودو قازانجی خۆت بێت .

●     یارمەتی دانی خەڵک و خزمەت کردنیان .

●     دونیا نەویستی و سادە ژیان.

●     بێ نیازی و رونەکردنە بەرپرسانی دونیایی.

●     ڕازو نیازو پارانەوەى شەوانە .

●     خواپەرستی و ریازەکێشانی تاقەت پروکێن .

●     هەڵسو کەوتی رێزدارانە لەگەڵ ناحەزان .

●     رێنمایی تەواوی ئیمانداران.

●     جێ بەجێ کردنی تەواوی بڕیارو دەقەکانی قورئان و فەرمودە زۆر بە وردی.

●     ئیخلآس لە ووتارو ڕەفتار .

●     زۆربەى شەو زیندوکەرەوە ، بۆ خوا .

●     ڕاستگۆیی .

دانراوەکانی حەزرەتی شێخ محی الدین نەقشبەندی پیر خچری چەمپاراوی

    حەزرەتی شێخ محی الدّین نەقشبەندی پیر خچری چەمپاراو ، خاوەنی ئەم دانراوانەیە ، کە لە دواى خۆی بەجێ ماون بەداخەوە تا ئێستا بە چاپ نەگەیشتوون :-

       1.        موسوعە الأسئلە و الأجوبە فی مسائل شتى عدیدە.

       2.        أصحاب الکهف ، هۆنراوە بە کوردی.

       3.        چرای چاو ، هۆنراوە بە کوردی.

       4.        ستایشی حضرت ،وە کەراماتی ئەولیا .

       5.        رسالە البدعە ، عەرەبی.

       6.        سؤال وجواب فی مسائل الفرائض ، عەرەبی.

       7.         الوصیە السنیە للسالکین فی الطریقە النقشبندیە.

       8.        هدایە العمریە فی التجوید ، فارسى .

       9.        رسالە فی الدعاء.

    10.     رسالە فی أنواع القلوب فی القرآن المحبوب ، عەرەبی .

    11.     چرای مەجلیس  ، کوردی.

    12.     شەوچەرەی ڕەمەزان ، هۆنراوە بە کوردی. .

    13.     ئیخلآس نامە ، هۆنراوە بە کوردی. .

    14.     سەفەری موسى و خچر  ، هۆنراوە بە کوردی..

    15.     دیوان حەزین  ، 1800 هۆنراوەیە.

    16.     چرای رێگە لە باسی تەریقەت ، کوردى .

    17.     نور العرفان ، عەرەبی.

    18.     وەرع ، کوردى .

    19.     الأخلاص فی الطریقە النقشبندیە ، عەرەبی.

    20.     الصدق فی الطریقە النقشبندیە ، عەرەبی.

    21.     المحبە فی الطریقە النقشبندیە ، عەرەبی.

    22.     من هو المرشد فی الطریقە النقشبندیە، عەرەبی .

    23.     من هو الصوفی ، عەرەبی .

    24.     مختصر الرسالە فی إثبات الأستغاثە (فارسی) .

    25.     صفحات الوردە منورە قلوب الزکیە، عەرەبی .

    26.     تذکر الآخرە ، هۆنراوە .

    27.     دیاری ڕەمەزان ، هۆنراوە بە کوردی.

    28.     سودو خێری سلآوات  ، هۆنراوە بە کوردی.

    29.     چرای ئیسلام ، هۆنراوە بە کوردی.

وەفاتی و دەرهێنانی تەرمی پیرۆزی بە بێ هیچ گۆڕانکاریەک

    کۆچی دوایی حەزرەتی شێخ محی الدین نەقشبەندی پیر خضری چەمپاراوی ، لە رۆژی چوارشەممە ، 17/6/2009 – زاینی ، 23/6/1430- کۆچی لە شاری سولەیمانی کوردستانی عێراق ، کاتژمێر : 6 سەر لە بەیانی ، لە گۆڕستانی گوندی (چنارە)ی چوارتای پارێزگای سولەیمانی بە خاک سپێردرا .

    لە بەرواری : رۆژی هەینی رێکەوتی 15/6/2012-زاینی ، تەرمی پیرۆزی حەزرەتی شێخ محی الدین نەقشبەندی پیر خضری چەمپاراوی ، لە گۆڕستانی(چنارە) دەرهێنراوە ، گواستراوە بۆ گوندی ( شێخ مەلا عبدالقادر) ناسراو بە (کۆخی شێخ) ، کە موڵکی بنەماڵەى شێخ محی الدین نەقشبەندیە.

   بەبێ هیچ تێکچونێک ، لاشەو بەدەن و موی وەک خۆی وابوو ، تەنانەت کفنەکەى خراپ نەبوو بوو. ئەمەش یەکێکە لە کەڕامەتەکانی حەزرەتی شێخ محی الدین نەقشبەندی چەمپاراو.