جەمال غەمبار
 |
| جەمال غەمبار | |
|---|---|
| لەدایکبوون | ١٩٦٢ گەڕەکی مەڵکەندی، سلێمانی |
| پیشە | ھۆنراوەنووس |
| زمان | کوردی، عەرەبی |
| نەتەوە | کورد |
| ڕەگەز | نێر |
| ڕەگەزنامە | عێراقی، ئوسترالی |
| خوێندن | زانکۆی بەغدا |
| چالاکی ساڵانی | ١٩٧٦–ئێستا |
جەماڵ غەمبار ھۆنراوەنووسی باشووری کوردستان ساڵی ١٩٦٢ لە گەڕەکی مەڵکەندی لە شاری سلێمانی لەدایک بووە. بە ھۆی کاری باوکییەوە خێزانەکەیان بۆ ماوەیەک نیشتەجێی گەڕەکی ئیمام قاسمی شاری کەرکووک بوون و تاوەکو پۆلی دووەمی سەرەتایی لە کەرکووک خوێندوویەتی و پاشان گەڕاونەتەوە سلێمانی و قۆناغەکانی تری خوێندن ھەتا ئامادەیی لە شاری سلێمانی تەواو کردووە.
لە ساڵی ١٩٨٤ کۆلێژی یاسای لە زانکۆی بەغدا تەواوکردووە و ساڵی ١٩٨٩ بووەتە پارێزەر لە سلێمانی. خولیای نووسین و خوێندنەوە لای جەمال غەمبار لە ناوەڕاستی حەفتاکانەوە سەری ھەڵداوە و لە ڕێی چالاکی خوێندنگەکانەوە تێکەڵاوی کار شانۆ بووە. دواتر لە بواری ھۆنراوەنووسیندا گیرساوەتەوە. یەکەم ھۆنراوەی لە ساڵی ١٩٧٦ لە ڕۆژنامەی ھاوکاری بڵاوکردۆتەوە.
لە ساڵی ٢٠٠٠ەوە کوردستانی بەجێ ھێشتووە و ماوەی دوو ساڵ لە دیمەشق ماوەتەوە. پاشان لە ساڵی ٢٠٠٤ەوە لە وڵاتی ئوسترالیا لەگەڵ خێزانەکەیدا نیشتەجێن و ڕەگەزنامەی ئوسترالیایان پێ بەخشراوە.
ئەندامی ڕێکخراوی ئەمنێستی ئینتەرناشناڵی ئوسترالی و ئەندامی کۆمەڵەی نووسەرانی فرەڕەگەزی باشووری ئوسترالیایە
بەرھەمەکان
[دەستکاری]لەپاڵ نووسینی ھۆنراوەدا کاری وەرگێڕانی چەندین لێکۆڵینەوەی وێژەیی و ڕووناکبیری و فیکری ئەنجام داوە. سێ دیوانی کوردی و دیوانێکیشی بە زمانی عەرەبی بڵاوکردۆتەوە سەرەڕای ئەوەش چوار پەڕتووکی وەرگێڕاوە.
سەرچاوە
[دەستکاری]- گۆڤاری ئاوێنەکان، ژمارە ٢٦ ـی ساڵی ٢٠٠٩، لاپەڕە ٨