تەقینەوەی ٢٠٢٣ی مزگەوتی پێشاوەر
| تەقینەوەی ٢٠٢٣ی مزگەوتی پێشاوەر | |
|---|---|
 | |
| بەشێکە لە | insurgency in Khyber Pakhtunkhwa |
| وڵات | پاکستان |
| دابەشکاریی کارگێڕی | پێشاوەر |
| ناوچەی کاتی | Pakistan Standard Time |
| جێ | پێشاوەر |
| پۆتانی شوێن | ٣٤°٠′٤٧″N ٧١°٣٣′٣٤″E |
| کاتی ڕوودان | ٣٠ی کانوونی دووەمی ٢٠٢٣ |
| تاوانبار | Jamaat-ul-Ahrar، Pakistani Taliban |
 | |
تەقینەوەی مزگەوتی پێشاوەر لە ٣٠ی کانوونی دووەمی ٢٠٢٣ نزیکەی کاتژمێر ١:٣٠ی پاشنیوەڕۆ، تەقینەوەیەکی خۆکوژی لەناو مزگەوتێکدا لە شاری پێشاوەر لە خەیبەر پختونخوا لە پاکستان ڕوویدا. ھێرشبەرەکە لە کاتی نوێژی نیوەڕۆدا بۆمبەکەی تەقاندەوە و بەھۆیەوە لانیکەم ١٠٠ کەس کوژران و زیاتر لە ٢٢٠ کەسی دیکەش برینداربوون، کە باری تەندروستی حەوت کەسیان ناجێگیرە.[١]
پشتێنەی ناکۆکی
[دەستکاری]زۆرێک لە ھێرشەکانی یاخیبووان لە شاری پێشاوەر پایتەخت و گەورەترین شاری خەیبەر پختونخوا لە باکووری ڕۆژاوای پاکستان ئەنجام دراون. لەوانە ھێرشکردنە سەر مزگەوتەکان لە ساڵانی ٢٠١٣ و ٢٠١٥ و ٢٠٢٢.[٢]
ھێرشکردن
[دەستکاری]مزگەوتەکە دەکەوێتە ناو کۆمپاوندێکی ئەمنی بەرزەوە کە بارەگای پۆلیسی پارێزگاکە و بەشی دژە تیرۆری تێدایە.[٣] خۆکوژەکە بەبێ ئەوەی دەستنیشان بکرێت بە چەند خاڵێکی پشکنیندا تێپەڕی کە لەلایەن پۆلیسی ناوچەکەوە کارمەندیان تێدابوو.[٤] لەو کاتەدا لە نێوان ٣٠٠ بۆ ٤٠٠ پۆلیس لە مزگەوتەکەدا ئامادەبوون بۆ نوێژی نیوەڕۆ، ھێرشبەرەکە لەکاتی وەستانی لە ڕیزی یەکەم لەگەڵ نوێژخوێنان جلیقەی تەقەمەنییەکەی تەقاندەوە و تەقینەوەیەکی بەھێزی لێکەوتەوە کە سەقفی مزگەوتەکەی داڕما. پۆلیسێک کە لە ھێرشەکە ڕزگاری بووە، وتی «پەلەیەکی گەورەی بڵێسەی ئاگر»ی بینیوە پێش ئەوەی ستوونی تۆزی ڕەش دەوری بدات. زیاتر لە ١٠٠ کەس گیانیان لەدەستداوە و دوو ئەوەندەی دیکەش برینداربوون. ٩٠٪ی قوربانییەکان ئەفسەری پۆلیسن.
تاوانبارەکە
[دەستکاری]دوو بەرپرسی بچووکی پارتی تەتپە بەرپرسیارێتی ئەو ھێرشەیان بە ناوی (ت.ت. پ)ەوە گرتە ئەستۆ و ڕایان گەیاند کە ئەمە لە تۆڵەی تیرۆرکردنی عومەر خالید خوراسانی بووە؛ بەڵام دواتر تاڵیبانی پاکستان لە ڕێگەی وتەبێژەکەیەوە ڕەتیکردەوە دەستی لەم ڕووداوەدا ھەبێت. لەو شوێنەی کە وتەبێژی تاڵیبانی پاکستان، محەممەد خۆراسانی، ڕەتیکردەوە ھیچ دەستوەردانێکی لەو ھێرشەدا ھەبێت، و وتی: سەبارەت بە ڕووداوەکەی پێشاوەر، بە پێویستی دەزانین ڕوون بکەینەوە کە تاڵیبانی پاکستان ھیچ پەیوەندییەکی بەم ڕووداوەوە نییە. بەپێی یاساکانمان و دەستووری گشتیمان ھەر کارێک لە مزگەوت و قوتابخانە ئایینییەکان و پرسە و شوێنە پیرۆزەکانی تردا تاوانە.
سەرچاوەکان
[دەستکاری]- ^ «"ژمارەی کوژراوانی تەقینەوەکە لە مزگەوتی پاکستان بۆ لانیکەم ١٠٠ کەس بەرزبووەتەوە، لەکاتێکدا وڵاتەکە ڕووبەڕووی 'قەیرانی ئاسایشی نیشتمانی' بووەتەوە" سی ئێن ئێن».
- ^ «"تالیبانی پاکستان بەرپرسیارێتی خۆی لە تەقینەوەی مزگەوتەکە دەگرێتە ئەستۆ کە زیاتر لە ٤٠ کەسی لێ کوشت". سی ئێن ئێن (بە ئینگلیزی). لە ڕێکەوتی ٣٠/١/٢٠٢٣».
- ^ «"ئۆپەراسیۆنی ڕزگارکردن بەردەوامە دوای تەقینەوەکەی پاکستان کە بووە هۆی کوژرانی ٩٢ کەس". دوورگەکە. ٣١ی کانوونی دووەمی ٢٠٢٣».
- ^ «ئەحمەد، جبران (٣٠ی ژانویەی ٢٠٢٣). تەقینەوەیەکی خۆکوژی لە مزگەوتی پاکستان ٥٩ کەسی کوشت و پۆلیسی کردە ئامانج. ڕۆیتەرز».
