تاھیر سەعید
 | ئەم وتارە چەند کێشەیەکی ھەیە. تکایە یارمەتی باشترکردنی بدە یان ئەم کێشانە لەسەر پەڕەی لێدوانەکەی باس بکە. (فێربە کەی و چۆن ئەم داڕێژەیە لابەریت)
|
تاھیر سەعید :(١٩٢١ - ١٩٨٩) باوەڕپێکراوێکی فرۆشتنی گۆڤاری «گەلاوێژ» و بەڕێوەبەری قوتابخانەی ئوولا بوو.
سەرەتای ژیان و خوێندنی
[دەستکاری]تاھیر کوڕی سەعید و ناسناوی بنەماڵەکەی (طارِفیَن)ە، لە ساڵی ١٩٢١ لە گەڕەکی (بەفری قەندی)ی شاری کۆیە ھاتووەتە دنیاوە، ساڵی ١٩٢٦ لە تەمەنی پێنج ساڵیدا خراوەتە قوتابخانەی ئوولا. قۆناغی ناوەندیی لە کەرکووک و خانەی مامۆستایانی سەرەتاییی لە ساڵی ١٩٣٧ لە بەغدا تەواوکردووە. ساڵی ١٩٤١ بە مامۆستا دامەزراوە لە شاری کۆیە.[١][٢]
چالاکیی سیاسی
[دەستکاری]کە (پارتی دیموکراتی کورد) پێک ھێنراوە، بووە بە ئەندام. ساڵی ١٩٤٩ گواستراوەتەوە بۆ شاری ھەولێر و تا ١٩٥٢ لەوێ بووە. پاشان براوەتەوە بۆ کۆیە و لە ١٩٥٣یشدا گواستراوەتەوە بۆ (دیانە).[١][٢]
بەڕێوبەرایەتی
[دەستکاری]لەبەر سەرکەوتووییی لە ھەردوو بابەتی زمانی ئینگلیزی و بیرکاریدا، حکوومەت ناردوویە بۆ خولێکی پەروەردەیی لە زانکۆی ئەمریکاییی لە وڵاتی لوبنان. لە ١٩٥٧ گەڕاوەتەوە بۆ کۆیە. باوەڕپێکراوێکی فرۆشتنی گۆڤاری «گەلاوێژ» بووە لە شاری کۆیە. لە ١٩٦٤ بووە بە بەڕێوەبەری قوتابخانەی ئوولا. لە ١٩٧١ خانەنشین بووە.[١][٢]
