بەکارھێنەر:Hozandana/خۆڵەپەتانێ

Surgical teaching hospital

نەخۆشخانەی نەشتەرگەری فێركاری

- ناساندن :

نەخۆشخانەی نەشتەرگەریی  فێركاری  دەکەوێتە خوار گەڕەکی ئیسکان لە سلێمانى و تەنیشت کەمپە کۆنەکەى زانکۆی سلێمانى  . ئەم نەخۆشخانەیە یەکێکە لە نەخۆشخانە سەرەکییەکانى شاری سلێمانى و ساڵانە هەزارەها نەخۆش ڕووى تێدەکات و هەزاران چارەسەر و  نەشتەرگەریی تێدا ئەنجام دەدرێت  . ئەم نەخۆشخانەیە  لە ساڵی 1975 تەواو بووە و تا  ئەمڕۆ بەردەوامە لە كاركردن بۆ خزمەتی هاوڵاتیان و پێشكەشكردنی خزمەتگوزاری تەندروستی ، لە ساڵی 2000 ئەم نەخۆشخانەیە نۆژەن كراوەتەوە و  بەبەردەوامیش گۆڕانکاریی تێدا ئەنجام دەدرێت .لە تەنیشت ئەم نەخۆشخانەیە نەخۆشخانەى فریاکەوتن   ( ئێمێرجێنسی ) هەیە . هەروەها  تاقیگاى مەرکەزیی و نەخۆشخانەى پسپۆڕییەکانى  دڵ هەیە . شوێنی  ئەم نەخۆشخانەیە شوێنێکی ستراتیجییە , بەڵام بەهۆی فراوانبوونى شارەوە , ئێستا ئەم نەخۆشخانەیە دوورە لە زۆربەى گەڕەکە تازەکان و  ڕێگایەى جەنجاڵی هەیە و  کێشەى نەبوونى باخچە و  گەراجی ئۆتۆمبیلی بۆ هاووڵاتیان هەیە .

لە هەموو ناوچەکانى پارێزگاوە  و  لە سەرجەم  پارێزگاکانى تریشەوە ,بە مەبەستى وەرگرتنى چارەسەر ,  نەخۆش ڕوو لەم نەخۆشخانەیە دەکات هەر  لە سەرەتاى درووستبوونیەوە  لەم نەخۆشخانەیەدا  كاری نەشتەرگەری ( عملیات ) بۆ نەخۆش ئەنجام دەدرێت ، هەندێ‌ جاریش چارەسەری نەخۆش دەكرێت بەبێ‌ ئەنجامدانی كاری نەشتەرگەری ، زۆربەی ئەو نەخۆشانەی لە نەخۆشخانەی فریاكەوتن داخڵكراون  بۆ تەواوكردنی چارەسەرو ئەنجامدانی كاری نەشتەگەری یان چارەسەری پێویست , رەوانەی ئەم نەخۆشخانەیە دەكرێن . لێرەش هەر نەخۆشێک بە پێی تایبەتمەندییان دابەشدەکرێن بەسەر  قاووشەکاندا .

- قەبارە و لەخۆگرتنى ئەم نەخۆشخانەیە بۆ ئەوسەردەمەى تێیدا درووستکرابوو زۆر باش بوو ,   ژمارەی قەرەوێڵەكانی ( 303 ) تەختە و خزمەتگوزاریەكانی بۆ پارێزگای سلێمانی  و دەوروبەریەتی ، هەروەها سەرەڕای ئەوەش خزمەتگوزاری تەندروستی پێشكەش بە پارێزگاكانی تر و ئاوارەكانی دەرەوەی هەرێم و ئاوەرەكانی سوریا و  دانیشتووە بیانییەکان دەكات .

ئەرکەکانی نەخۆشخانە :

بریتیە لە ئەنجامدانى چارەسەر و   پێدانی زانیاری دەربارەی نەخۆشخانەی فێركاری وە دیاری كردنی ئەو كارانەی كەئەنجامی دەدات ڕۆژانە لەلایەن پزیشكان و كارمەندانەوەو دیاریكردنی كەم و كورتیەكان كە پێویست دەكات پێداچوونەوەی بۆ بكرێت بۆ زیاتر خزمەتكردنی هاووڵاتیان لە ڕووی تەندروستیەوە .

- بەشانەكانى نەخۆشخانەی نەشتەرگەریی فێرکاریی  :

• بەشی نەشتەرگەری گشتی .
• بەشی نەشتەرگەری ئیسك و شكاوی .
• بەشی نەشتەرگەری یۆرۆلۆجی( كۆئەندامی میز).
• بەشی نەشتەرگەری دەم و ڕوو و شەویلگە .
• بەشی نەشتەرگەری سنگ و دڵ و بۆریەكانی خوێن .
• بەشی تاقیگە ( هیماتولوجی ، هستوپاسولوجی ، پاراسایت ، ڤایرۆسات ، كیمیا ، بەكتریۆلۆجی ، بانكی خوێن ).
• بەشی تیشك ( تیشكی ئاسایی  + سۆنەر ،  MRI   ، CT  ).

ئامانجی نەخۆشخانە :

1. 1- ئەنجامدانی كاری نەشتەركاری و پێشکەشکردنى  چارەسەر بۆ نەخۆشی خەوتوو .
2. 2- پابەندبوون بە پێدانی مافی نەخۆش  وە كار ئاسانی كردنی لە ڕووی تەندروستیەوە .
3. 3- پەرەپێدانی تەواوی زانیاریە تەندروستیەكان بۆ ( پزیشكان ، كارمەندانی تەندروستی و كارگێڕی و تەكنیكی ) ناردنیان بۆ خولی تایبەت لە ناوەوە  و دەرەوەی هەرێم .
4. 4- دانانی بەشی خزمەتگوزاری  لە نەخۆشخانە بەمەبەستی بە ئاگا بوون لە پاك و خاوێنی و پێشكەشكردنی خزمەتگوزاری بۆ نەخۆش و كارمەندان لەڕووی ( ئوتێلەوانی ، خواردن ، پاك و خاوێنی ) .
5. 5- دانانی بەرنامە بۆ چاككردنی ئەو كەم و كوڕیانەی كە هەیە لە نەخۆشخانەكەدا كەتوانای چارەسەركردنیان هەیە .
6. 6- ئەنجامدانی تۆژینەوەی زانستی و كارگێڕی بە مەبەستی پێشخستنی نەخۆشخانە لەڕووی تەندروستی و ئیداریەوە .

سەرچاوە مرۆییەكان :

• پزیشكی گشتی: ( 243 ) ، ( 18 ) بروانامەی بۆرد و دكتۆرا ، ( 17 ) بروانامەی ماستەر  ، ( 33 ) بروانامەی زانكۆ ، ( 129) دیبلۆمی باڵا.
• پزیشكی ددان: ( 12) بڕوانامەی زانكۆ .
• دەرمانساز: ( 7 ) بروانامەی پەیمانگا .
• كارمەندی تاقیگە: ( 48 ) ، ( 23) بروانامەی زانكۆ ، ( 25 ) بروانامەی پەیمانگا .
• پەرستار: ( 266)، ( 6 ) بروانامەی زانكۆ، ( 159 )  بروانامەی پەیمانگا ،( 101 ) بروانامەی خوار پەیمانگا.
• كارمەندی كارگێری: ( 137 ) ، ( 14 ) بروانامەی زانكۆ، ( 16 ) بروانامەی پەیمانگا ، ( 61) بروانامەی خوار پەیمانگا .
• كارمەندی تەكنیكی: ( 17 ) ، ( 8 ) بروانامەی پەیمانگا ، ( 9 ) بروانامەی خوار پەیمانگا .
• پسپۆڕی وبائیات : ( 1 ) بڕوانامەی ماستەر .
• - جۆری خزمه‌تگوزارییە پزیشکی و تاقیگه‌ییەكان :
• چارەسەری نەشتەرگەری گشتی : نەشتەرگەری گشتی ، نەشتەرگەری ئیسك و شكاوی ، نەشتەرگەری یۆرۆلۆجی ، نەشتەرگەری دەم و ڕوو شەویلگە ، نەشتەرگەری سنگ و دڵ و بۆریەكانی خوێن .
• خزمەتگوزاری تاقیگەیی : بكتریۆلۆجی ، هستوپاسۆلۆجی ، پاراسایت ، كیمیا ، ڤایرۆسات ، بانكی خوێن ، ڕاكێشانی خوێن ( سحب الدم ) .
• خزمەتگوزاری تیشك و سۆنەر: تیشكی عادی ، تیشكی هەناو بینی ، سۆنەر ، C.T ، MRI .
• - چۆنیەتی پەیوەندیكردن بەنەخۆشخانەكەوە :
• ناونیشان و شوێنی جوگرافی : ( سلێمانی – شەقامی زانكۆ ) .
• ژمارەی تەلەفۆن : ( 3270561 یان 3270562 یاخود 3270563 ).

پێشنیار :

لە ژێر تیشکی ئەو زانیارییانەى سەرەوە و شارەزایی خۆم لەو ناوچەیەی ئەم نەخۆشخانەیەی تێدایە ,چەند پێشنیارێک دەخەمە ڕوو بۆ چووستیی زیاتر  و پڕۆفیشناڵ بوون  :

1. درووستکردنى پارکێکی گەورەى ئۆتۆمبێل  لە پێش   یان لە  یەکێک  لە ڕووەکانى تری نەخۆشخانەکە  بە  کڕینەوەى ئەو خانووانەى دەوروبەری تا  ڕێگا خۆشبکات بۆ هاووڵاتیان و بە شێوەیەکی ڕێکوپێک ئۆتۆمبیلەکانیان پارک بکەن و نەبنە هۆی قەرەباڵغیی و درووستکردنى ڕێگریی و کۆسپ لە ڕێگاى نەخۆش و ئۆتۆمبێلی فریاکەوتن و کارمەندانی نەخۆشخانەکە .
2. درووستکردنى باخچە و شوێنی حەوانەوە  و  درووستکردنى ئوتێلێک سەر بە نەخۆشخانە  بۆ پێشکەشکردنى خزمەتگوزاریی مانەوە  و حەوانەوەى گشتى .
3. گرنگیی دان  بە  کردنەوەى خولی پێشکەوتوو بۆ کارمەندە کارگێڕییەکان لە ڕووى چۆنییەتى مامەڵە کردنی کارمەند لەگەڵ نەخۆش و هاووڵاتیاندا و لەڕووى چۆنییەتى پارێزگارییکردن لە  هێمنى نەخۆش و  بێدەنگیی و پاکوخاوێنیی زیاتری هۆڵ و ژوورەکان و   پێشکەشکردنى خزمەت  و ئامادەکردنى جۆری دەرمانى زۆر تر تا  نەخۆش  ئاسانتر دەستی بگات بەو دەرمانانەى پێویستێتى لە ڕێگاى نەخۆشخانەوە .

سەرچاوەکان

  http://www.tendrwsti.com/dreja.aspx?Jmare=568&Jor=11