مۆنۆمێنتی ئەنفال لە چەمچەماڵ[دەستکاری]

وێنەی لۆگۆی مۆنۆمێنتی ئەنفال لە چەمچەماڵ

فەرمانگەیەكی حكومی كلتوری مێژووی یە،لە 2012/9/9 دامەزراوە.

سەر بە وەزارەتی كاروباری شەهیدان و ئەنفالكراوانی حكومەتی هەرێمی كوردستانە،گرنگی دەدات بە كەیسی ئەنفال و تاوانەكانی تری جینۆسایدی دژ بە گەلەكەمان.

دەكەوێتە هەرێمی كوردستان قەزای چەمچەماڵ-بناری مەقان.

لە ساڵی 2012 لەسەر میلاكی وەزارەتی كاروباری شەهیدان و ئەنفالكراوان 86 فەرمانبەری بۆ دامەزراوە،كە سەرجەم فەرمانبەرەكانی كەس و كاری شەهیدو ئەنفالكراوانن.

مۆنۆمێنت لە 7ڕۆژی هەفتەو پشوەكاندا پێشوازی لە میوانانی ناوخۆی و بیانی دەكات ،تا ئێستا زیاتر لە 90وڵاتی جیهانەوە شاندی جیا جیا سەردانیان كردووە.

بەشەكانی مۆنۆمێنت:

*مۆزەخانە پێكهاتووە لە:

*مۆزەخانەی ئەنفال

*مۆزەخانەی كەلوپەلی شەهیدانی شەڕی دەستی داعش

*مۆزەخانەی كەلوپەلی سەربازی

*كتێبخانە

*ئەرشیف و دۆكیۆمێنت

*ڕاگەیاندن و پەیوەندیەكان

*باخچەكان

*هونەری

*لۆگۆی مۆنۆمێنتی ئەنفال:

وەك سیمبولی ئەنفالكراوان دەناسرێت بەرزییەكەی 14مەترو پانیەكەی 4 مەترە،بەشی سەرەوەی لۆگۆكە دایكێكە منداڵێكی لە باوەشدایە لەكاتی جیاكردنەوەی ژن و پیاوو منداڵ لە لایەن سەربازە عێراقیەكانەوە،سەربازەكان دەیانەوێت بە زۆر منداڵەكە لە باوەشی دەربهێنن.

بەشی دووەمی لۆگۆكە پێكهاتووە لە سێگۆشەیەك كە دوو واتایی هەیە یەكەم بە واتای ژمارە 8ی كوردی دێت وەك واتاییەك بۆ هەشت قۆناغەكەی ئەنفال،دووەم بە واتایی نەخشەی سەربازی تاوانی ئەنفال دێت.

*گۆڕستانی ئەنفالكراوان 838 گۆڕی ئەنفالكراوانی تێدایە.

*مۆزەخانەی قوربانیانی ئەنفال لە ڕۆژی 2017/1/16 كراوەتەوە.

سەرجەم زانیاری و وێنەكانی ناو مۆزەخانەكە تایبەتن بە تاوانی ئەنفال و بە زمانەكانی(كوردی-عەرەبی_ئنگلیزی)لەسەر دیوارەكان ڕاگیراون.

*مۆزەخانەی كەلوپەلی سەربازی:

بەشێك لەو چەك و كەلوپەلە سەربازییانەی تێدا نمایشكراوە كە لەساڵی 1988 تاوانی ئەنفالی پێ ئەنجام دراوە.

*هۆڵی كۆبونەوەو كۆنفرانس:یەكێكە لە گەورەترین هۆڵەكانی هەرێمی كوردستان كە 935 كورسی لە خۆ دەگرێت لەگەڵ 200 ئامێری وەرگێڕان بۆ میوانانی بیانی دەتوانرێت وەرگێڕان بۆ حەوت زمانی جیاواز بكرێت.