ئانا ماری شێمیل

لە ئینسایکڵۆپیدیای ئازادی ویکیپیدیاوە
Jump to navigation Jump to search
ئانا ماری شێمیل

ئانا ماری شێمیل (ماوەی ژیانی ٧ی نیسانی ١٩٢٢ تاکوو ٢٦ی کانوونی دووەمی ٢٠٠٣) لەناودارتین ئە ئافرەتانەی ئەڵمانیایە لەسەر ئاستی نێودەوڵەتی کە بوونە بەڕۆژھەڵاتی، ئانا لەکەش و ھەوایەکی ڕۆشنبیر و ژیانێکی پڕ ئاسوودە پەروەردەبووە و ھەر لەمنداڵیەوە ھۆگری ئەو شتانە بووە کە پەیوەندی بە ڕۆژھەڵاتەوە ھەبووە و بابەتی ڕوحیانەتی و سۆفیگەرێتی لە ئایینی ئیسلام و ئایەنەکانی دیکەی ڕۆژھەڵات سەرنجی ڕاکێشاوون. شێمیل لەساڵی ١٩٣٧ لەتەمەنی ١٥ ساڵیدا فێری زمانی عەرەبی بووە و وانەی لەسەر بیروباوەڕەکانی ئایین و مێژووی ئیسلام خوێندووە، سەرەڕای فێربونی زمانی فارسی و تورکی و ئەردی، لەساڵی ١٩٣٩ لەگەڵ خێزانەکەیدا ڕۆشتوون بۆ بەرلین و چۆتە زانکۆ و لەسەر بەڕۆژھەڵاتبوون خوێندوێتی، لەدوای ساڵێک خوێندن لەزانکۆ لەسەر پێگەی زانا ئاینیەکان لە کۆمەڵگا دکتۆرای خوێندووە و لەساڵی ١٩٤١ لەتەمەنی ١٩ ساڵیدا نامەی دکتۆرای ئامادەکردووە. شێمیل لە ساڵی ١٩٤١ لە وەزارەتی دەرەوەی ئەڵمانیا وەکو وەرگێڕی زمانی تورکی کاری کردووە، لەھەمانکاتدا گرنگی بەمێژووی مەمالیکەکان داوە و پەرتوکێکی لەسەر مێژووی ئیبن ئیاس نووسیوە، لەساڵی ١٩٤٥ پێش کۆتایی ھاتنی جەنگی جیھانی دووەم بە ماوەیەک نامەی دکتۆرای تەواوکردووە، بە بچوکترین مامۆستای ئافرەتی زانکۆ دەژمێردرێت و یەکەم ئافرەتیش بووە لەدوای جەنگی جیھانی دووەم لە ساڵی ١٩٤٦ موحازەرە لەسەر ھاتنی سۆفیگەرێتی ئیسلام بڵێتەوە، لەساڵی ١٩٥١ دەربارەی واتای خۆشەویستی سۆفی لەئیسلامدا بۆ جاری دووەم پلەی دکتۆرای وەرگرتووە. شێمیل لەساڵی ١٩٦٣ بەشداری کردووە لە دامەزراندنی گۆڤاری بیر و ھونەر کردووە کە لەئەڵمانیا بڵاودەکرایەوە و شیعری زۆربەی شاعیرە عەرەبەکان و شاعیرە موسڵمانەکانی بڵاوکردۆتەوە و لەساڵی ١٩٧٥ ھەندێک لەو شیعرانەی وەرگێراوەتە سەر زمانی ئەڵمانی ن لەساڵی ١٩٦٥ خەڵاتی فریدریش رویکارتی لەئەڵمانیا بەدەستھێناوە، سەرەڕای وەرگرتنی خەڵاتێکی زۆر لەلایەن ڕۆژاوا و ڕۆژھیڵاتەوە، دوای ئەوەی لەساڵی ١٩٩٢ خانەنشین کراوە، دەستیکردۆتەوە بەنووسین بەزمانی ئەڵمانی و ئینگلیزی دەربارەی ئیسلام، لەساڵی ١٩٩٥ یەکەم ئافرەتبووە سەبارەت بەڕۆژھەڵات و توێژینەوە لەسەر ئیسلام خەڵاتی ئاشتی ئەڵمانیای وەرگرتووە. ئانا ماری شێمیل لە ٢٦ی کانوونی دووەمی ساڵی ٢٠٠٣ کۆچی دوایی کردووە.

سەرچاوە[دەستکاری]