یارمەتی:مێژووی پەڕە

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

هەموو ئەو پەڕانەی لە ویکیپیدیا ڕێگەدراوە بۆ دەستکاریکردنیان، پەڕەی مێژووی تایبەت بە خۆیان هەیە. کە پێک دێت لەو ویکی-دەقە کە لە سەرەتای دروستکردنی پەڕەوە تاکو ئەوکاتەی کە گەڕانەکە کراوە، نوسراون. لەگەڵ ئەوە، کات و ڕێکەوتی هەموو دەستکاریەکان و ناوی بەکارهێنەری دەستکاریکەر (یان ناونیشانی ئای-پی) بۆ هەر دەستکارییەکی جودا، تۆمارکراوە. هەروا دەتوانی کورتەی دەستکاری هەموو دەستکاریەکان ببینیت (ئەگەر بەکارهێنەر نووسیبێتی). بەم پەڕە میژووی پێدواچوونەوەکان، یا میژووی دەستکارییەکان یش دەڵێن.
بۆ گەیشتن بە مێژووی پەڕە، لە سەرووی هەموو پەڕەکانەوە دەتوامی "مێژوو" لێبدەی.

بەکارهێنانی پەڕەی مێژوو[دەستکاری]

لە پەڕەیکی مێژوودا:

  • هەموو ئەو گوڕانکاریانەی کە ڕوو ئەدات لە پەڕەکە دا بە شێوەی نوێ بۆ کۆن نیشان ئەدرێن (گوڕانکاریە نوێکان لە پێشا نیشان ئەدرێن).
  • بۆ پیشاندانی وەشانێکی تایبەت، کرتە بکەسەر مێژووەکەی.
  • بۆ هەڵسەنگاندنی وەشانی ئێستا لە گەڵ وەشانێکی کۆندا کرتە بکەسەر ئێستا.
  • بۆ هەڵسەنگاندنی وەشانێک لە گەڵ وەشانی پێش خۆی، کرتە بکەسەر پێشوو.
  • بۆ هەڵسەنگاندنی دوو وەشان، بۆشایی لای چەپی بەرامبەر بە وەشانی کۆنتر و بۆشایی لای ڕاستی بەرامبەر بە وەشانی نوێتر خاڵدار بکە؛ دواتر کرتە بکەسەر دوگمەی " هەڵسەنگاندنی وەشانە هەلبژێردراوەکان بکە ".
  • بە (ب) ئاماژە دەکرێت بە گۆڕانکارییە بچووکەکان.

لێرەدا بە کەڵک وەرگرتن لە نموونەیەکی ڕاستیی، باسەکە ڕوونتر دەکەینەوە:

نموونەیەک لە پەڕەی مێژوو

لەم پەڕەدا دەستکارییەکان لە نوێ بۆ کۆن نیشان دراون. هەر دەستکارییەک لە هێڵێکدا ناسێندراوە؛ کات و ڕێکەوتی دەستکاری، بەکارهێنەری بەشداربوو و پۆختەی ئەو دەستکارییە؛ هێندێ جار بڕێک زانیاری زێدەشی تێدایە. لێرەدا باسەکە وردتر دەکەینەوە:

١. بۆ هەر وتارێک پەڕەیەکی تایبەتی مێژوو هەیە، کە بە کرتە کردنە سەر "مێژووی پەڕە" دەگەییتە ئەم پەڕە.
٢. سەردێڕی پەڕەی مێژوو، کە ناوی وتارەکەشی (نێوان "") تێدایە.
٣. بە سوودوەرگرتن لەم بەشە دەتوانی بگەیتە دەستکارییەکان لە ساڵ یان مانگی تایبەت، کە لەسەر ئەم پەڕە کراوە.
٤. لێرەدا چەن زانیاری دراوە بۆ تێگەیشتن لە وشە کورتکراوەکان، کە پێویستە سەرەنج بدرێن.
٥. بە کەڵک وەرگرتن لەم بەستەرانە، دەتوانی بە کرتەیەک بگەیتە یەکەمین دەستکاری لەم پەڕەدا. دەتوانی دیاری بکەی لە هەر پەڕەدا چەن دەستکارییت بەرچاو بکەوێت، و بە لێدانی "دواتر" یا "پێشوو" لە نێو پەڕەکانی مێژوو گەڕان بکەیت.
٦. کرتە کردن لەسەر "ئێستا" هەریەک لە هێڵەکان، دەتبا بۆ پەڕەیەک کە جیاوازی ئەو پێداچوونەوە لەگەڵ وەشانی ئێستای پەڕەکەت نیشان دەدات.
٧. کرتە کردن لەسەر "پێشوو" دەتبا بۆ پەڕەیەک کە تێیدا جیاوازی ئەو وەشانە لەگەڵ وەشانی پێش خۆی نیشان دەدات.
٨. لە بەرامبەر هەر پێداچوونەوەیەکدا دوو بۆشایی هەیە کە بە سوود وەرگرتن لەوانە دەتوانی جیاوازی نێوان دوو وەشانی تایبەت ببینیت. بۆشایی لای ڕاستی وەشانی کۆنتر و بۆشایی لای چەپی وەشانی نوێتر بە خاڵ نیشان بکە، ئینجا کرتە بکە سەر دوگمە "هەڵسەنگاندنی وەشانە هەڵبژێردراوەکان".
٩. لێرەدا کات و ڕێکەوتی دەستکارییەکە بە پێی ڕێکخستنەکانی بەشی هەڵبژاردەکانی هەژمارەکەت؛ دەنا بە شێوەی بنچینەیی بە کاتی سیستەمی میدیاویکی نیشان دەدرێت. کرتە کەردن لەسەر ئەم بەستەرە دەتبا بو وەشانی پەڕەی دوای ئەو دەستکارییە.
١٠. ناوی ئەو بەکارهێنەرەی دەستکارییەکەی تۆمارکردووە لێرەدا دێت. ئەگەر بەشداریکەر لە ژوورەر نەبێت یان هەژماری نەبێت، لە جیاتی ناو، ناونیشانی ئای-پی (IP) دەنووسرێت.
١١. پوختەی دەستکاری، ئەو دەقە کورتەیە کە بەکارهێنەر تێیدا بە کورتی شی کردنەوەی دەستکارییەکەی دەکات. هێندێ جار لەوانەیە پوختەی دەستکاری بە ڕەنگێکی جیاواز بەرچاو بکەوێت، ئەوە نیشان دەدات کە دەستکارییەکە لە بەشێکی تایبەت لە وتارەکەدا تۆمارکراوە.

ئەو پەڕانەی گواستراون یا سڕاونەتەوە[دەستکاری]

کاتێ گواستنەوەی پەڕەیەک دەکرێ (ناوی دەگۆڕدرێت)، سەرجەم مێژووی دەستکارییەکانی ئەو پەڕە دەسڕێتەوە؛ پەڕەی پێشوو دەبێتە ڕەوانکەر بۆ ناوی نوێ. ئەگەر لە باتی گواستنەوە، سەرجەم ناوەڕۆکی پەڕەکە کۆپی بکرێت و لە ناو پەڕەی نوێدا دایبنەی، مێژووی دەستکارییەکان دەمێنێتەوە، بەڵام، دوور لە وتارەکە دەبێت؛ دەکرێ یەکخستن بکرێت بۆ مێژووەکان. کاتێ دوو پەڕەی سەریەک دەخرێن، یەکێ بۆ ئەوەی دیکە دەبێتە ڕەوانکەر و مێژووکانیش دەمێننەوە. کاتێ پەڕەیەک دەسڕێتەوە، مێژووی پێداچوونەوەکانی لە بنکەدراوی ویکی دەمێنێتەوە و بەڕێوبەر دەتوانێ بیانگەڕێنێتەوە؛ هەروا بەڕێوبەر دەتوانێ سڕینەوە پووچەڵ کاتەوە. بەڕێوبەران هەروا دەتوانن پێداچوونەوەیەکی تایبەت لە مێژووی پەڕەیکدا بسڕنەوە؛ زانیاریی زیاتر.

وێنەکان[دەستکاری]

بەستەر بۆ پێداچوونەوەیەکی تایبەت[دەستکاری]