تەھۆما
لە ویکیپیدیا، ئینسایکڵۆپیدیای ئازاد
تەھۆما (Tahoma) فۆنتێکە کە مەتیوو کارتەر (Matthew Carter) لە ساڵی ١٩٩٤دا بۆ کۆمپانیای مایکرۆسۆفتی دروست کردووە. تەھۆما بۆ ویندۆز ٢٠٠٠ و ویندۆز ئێکسپی و ویندۆز سێرڤەری ٢٠٠٣ فۆنتی بنەڕەتی بووە. ئەم فۆنتە زۆرێک لە پیتەکانی یونیکۆدی تێدایە و بۆ زۆرێک لە ئەلفوبێکان، فۆنتێکی باشە. گرنگیی تەھۆما لەوەدایە کە لە سایزە چکۆلەکانیشدا بە باشی ئەخوێنرێتەوە.
[دەستکاری] وەشانەکان
لە ویندۆزەکانی پێش ویندۆز ڤیستا وەشانی ٣ی تەھۆما دانرابوو. بۆ ڤیستا و ویندۆز ٧ وەشانی ٥ دانراوە. لە وەشانی ٥دا زۆرێک لە ھەڵەکانی ڕێساکانی GSUBیان چاک کردووە و ھێمای ژمارەیەکی زۆرتر لە یونیکۆدەکانیان داناوە. بۆ نموونە لە وەشانی ٣دا پیتی «ە»ی کوردی (٠٦D٥) بە پیتە پێشووەکەیەوە نالکێ بەڵام لە وەشانی ٥دا ئەم ھەڵەیە نەماوە.
