بەکارھێنەر:Dr. Jalil Asid/ئەزموون
دكتۆر جەلیل ئازید
موزیكژەن و ئەتنۆموزیكۆلۆگ، لە ٢/١٠/١٩٥٤ لە گەرەكى خانەقا لە هەولێر لە دایك بووە، قۆناغەكانى خوێندن تا زانكۆ ...هەولێر وە بەغدا، لە ساڵى ١٩٧٩ بۆ هەندەران ئیتالێا بە مەبەستى خوێندنى موزیك لە زانكۆى بۆلۆنیاى ئیتالى وە لە زانكۆى زوریگى سویسرى...بڵاوكراوەكانى زانستى و ئەكادیمى: ناسنامەى موزیكى گەلەرى كوردى ١٩٩٨ بە ئیتالى، موزیكى كوردى شێوازو بناماكانى PhD بە ئەلمانى / سویسرا، لە ساڵى ٢٠٠٧ لە زایتى زانكۆكە بڵاوكراوەتەوە بە ناوى: www.dissertationen.uzh.ch.
- چالاكى موزیكى پێش هەندەران : لە ١٩٧٤ تا ١٩٧٧ ئەندامى گروپى موزیكى هێرش و تیپى هونەرى نوێى كوردى لە هەولێر، لە ١٩٧٧ تا ١٩٧٩ ئەندامى تیپى هونەرى هەولێر، تیپى موزیکی یوسف تریۆ وە كارمەند و مامۆستا لە چالاى قوتابخانەكانى هەولێر، سەرپەرشتیارى تیپى زیرەك لەگەڵ رەنجبەر خۆشناو.
- ١٩٧٩ تا ١٩٨٦ لە ئیتالێا چالاكى موزیكى و ئەندامى تیپی موزیكى گۆران، لە ١٩٨٦ دانیشتووی شاری زوریگ / سویسرا، وەكو موزیكژەن لە زۆر چالاكیەكانى نیودەوڵەتى و سویسرى بەشدارى كردووە، دامەزرێنەرو ئەندامى تیپەكانى موزیکی ئازید ئەنسەمبەل، گەلەریكۆ، كوردستان، دامەزرینەرو سەرپەرشتیارى ئۆركێستراى گەلەرى لە ئەلمانیا.
- نووسین و بڵاوكراوەكانى بە زمانى ئیتالى و ئەلمانى و ئینگلیزى و كوردى لە رۆژنامەكانى كوردستانى و نێودەوڵەتى و زانكۆكان بڵاو كردۆتەوە، هەروەها وەكو كوردێك لە سێمینار و كۆنگرە جیهانیەكان بەشدارى كردووە، لە ئیتالیا دوو ساڵ مایسترۆى ئۆركێستراى زانكۆى بۆلۆنیاى كردووە، لە ئەلمانیا رابەرى ئۆركێستراى گەلەرى كوردى كردووە، بەرهەمى موزیكى وەكو كاسێت وە سى دى بڵاو كردۆتەوە، وە هەروەها بۆ هونەرمەندانى كوردو بیانى.
- لە ساڵى ٢٠٠٤ بۆماوەى ساڵێك بەشدارى كرد لە دەمەزراندنى كۆلێژى هونەرە جوانەكان لە هەولێر وەكو مامۆستاى موزیك وە یاریدەدەرى راگرى كۆلێژەكە كارى كرد، دووبارە لە ساڵانى ٢٠٠٧ - ٢٠٠٩ وە ٢٠١٠ - ٢٠١١ وەكو مامۆستا لە كۆلێژەكە كارى كردووە.
- بەرهەمەكانى داهاتووى نووسینى ئەنسیكلۆپێدیاى موزیك بە كوردى، پەرتوكى تیۆرى موزیك بە كوردى، وەرگێڕانى بڵاوكراوەكانى خۆى و بیانى بۆ كوردى.
- ئەندامى رێكخراوى موزیكناسانى نێودەوڵەتى:.(International Council of Traditional Music ICTM).