ھەوکردنی پەردەی چاو
 | ئەم وتارە بۆ سەلماندن پێویستی بە ئاماژەی زیاتر بە سەرچاوەکان ھەیە. (فێربە کەی و چۆن ئەم داڕێژەیە لابەریت) |
هەوکردنی پەردەی چاو (کۆڕنیە) ([١]بە ئینگلیزی: Keratitis)
کراتیتس بە هەوکردنی پەردەی چاو دەوترێت کە پەردەیەکی تەنکە و گلێنەی چاوی داپۆشیوە. ئەم حاڵەتە زۆر جار ئازار و کێشەی بینینی لەگەڵدایە.[٢]
نیشانە دیارەکانی هەوکردنی پەردەی چاو.
[دەستکاری]دروستبوونی ئازار لە چاودا و هەستیار بوون بە ڕووناکی و هاتنەخوارەوەی فرمێسک بە چاوەکەدا.
هۆکارەکانی هەوکردنی پەردەی چاو.
[دەستکاری]١- هەبوونی تەنێکی بێگانە لەناو چاوەکەدا.
٢-وشک بوونی چاو بەهۆی دروستبوونی کێشەیەک لە پەلکی چاودا یاخود دروستنەبوونی فرمێسک بەڕادەیەکی پێویست.
٣- کەمی ڤیتامین A (لەکاتی ڕێجیمدا بەدەگمەن ئەم حاڵەتە ڕوودەدات).
٤- هەوکردنی بەکتریایی، ڤایرۆسی یان کەڕوویە کە بەربڵاوترینیان هەوکردنی ڤایرۆسی تامیسکە.
٥- هەستیاری یان هەستیاری چاو بە کەلوپەلە جوانکارییەکان، هەوای پیس، ئەو گەردانەی لە هەوادان وەکو( تۆو ی گیاکان، تۆز و خۆڵ) و سەرجەم ئەو شتانەی کە هەستیاری دروستدەکەن.
٦- ڕووناکی زۆر، بۆنموونە ڕووناکی لەحیمکاری یاخود تیشکدانەوی ڕووناکی خۆر لەکاتی هەبوونی بەفر یاخود لەکاتی تیشکدانەوەی لەناو ئاوێکدا. (ئاگاداری: ڕەنگە نیشانەکان تاکو ٢٤ کاتژمێر دوای هەوکردنەکە دەرنەکەون).
ئەو هۆکارانەی مەترسیەکان زیاتر دەکەن.
[دەستکاری]١- هەبوونی ژینگەیەکی قەرەباڵغ یاخود ناتەندروست.
٢- نەخواردنی خواردنی پێویست، بەتایبەتی ئەو خۆراکانەی ڤیتامی A ی تێدایە.
٣- هەبوونی نەخۆشییەک کە بەرگری جەستەی لاواز کردبێت.
٤- هەوکردنی ڤایرۆسی لەسەرجەم ئەندامەکانی جەستەدا بەتایبەتی تامیسکی دەم یاخود تامیسکی سەر ئەندامی زاوزێ.
ڕێگری.
[دەستکاری]١- ئەگەر کارێک دەکەن کە بۆی هەیە زیان بە چاوتان بگەیەنێت پێویستە چاویلکەی سەلامەتی ببەستن.
٢-ڕێجیمێکی خۆراکی تەندروست کە ڤیتامین A تێدابێت یاخود بەکارهێنانی مۆڵتی ڤیتامین کە ڤیتامین A لە خۆگرتبێت.
ئەو بەرئەنجامانەی کە چاوەڕێ دەکرێن.
[دەستکاری]پەیوەستە بە هۆکارەوە هەروەها پەیوەستە بە خێرایی وەرگرتنی چارەسەرەکە، زۆربەی جۆرەکانی هەوکردنی پەردەی چاو دەتوانرێت چارەسەر بکرێن.
ئەنجامە نەخوازراوەنەی ئەگەریان هەیە ڕووبدەن.
[دەستکاری]١- دروستبوونی ئاوی ڕەش.
٢- بریندار بوونی پەردەی چاو.
٣- لەدەستدانی بینایی.
٤- دروستبوونی پەڵەی هەمیشەیی چاو.
لەم حاڵەتانەدا سەردانی دکتۆر بکە.
[دەستکاری]١- ئەگەر بیناییتان گۆڕانکاری بەسەردا هات.
٢- ئەگەر کەسێکی تر لە ئەندامەکانی خێزانەکەتان ئیلتیهابی پەردەی چاوی هەبێت.[٣]
سەرچاوەکان
[دەستکاری]- ^ «Keratitis»، Wikipedia (بە ئینگلیزی)، 2022-09-19، لە 2022-09-21 ھێنراوە
- ^ «التهاب قرنیه»، ویکی‌پدیا، دانشنامهٔ آزاد (بە فارسی)، 2019-05-12، لە 2022-09-08 ھێنراوە
- ^ «دانلود کتاب فهرست بیماری‌ها». کتاب سبز. لە ٨ی ئەیلوولی ٢٠٢٢ ھێنراوە.
[١] "ویکیپیدیای فارسی"بڕگەی یەکەمی بابەتەکە لە ویکیپیدیای فارسیەوە وەگێڕدراوە".
[٢] "فهرست بیماری‌ها" تاریخ انتشار: ۲۹ تیر ۱۳۹۸"تەواوی بابەتەکە جگە لە بڕگەی یەکەم لە کتێبی فهرست بیماری‌ها وەرگێڕدراوە.