یانەی تۆپی پێی ئەستۆن ڤێلا

یانەی تۆپی پێی ئەستۆن ڤیلا (بە شێوەیەکی گشتی بە ئەستۆن ڤێلا یان بە سادەیی ڤیلا ناودەبرێت ) یانەیەکی تۆپی پێی پیشەگەرە و بنکەکەی لە ئەستۆن ، بیرمینگهام ، ئینگلتەرایە . یانەکە لە ساڵی ١٨٧٤ دامەزراوە و لە خولی نایابی ئینگلیزیدا بەشداری دەکات کە پلەی یەکەمی سیستەمی خولی تۆپی پێی ئینگلیزییە . تیپەکە لە ساڵی ١٨٩٧ ەوە لە یاریگای خۆی ڤیلا پارک یاری دەکات . ئەستۆن ڤێلا یەکێکە لە کۆنترین و سەرکەوتووترین یانەکانی ئینگلتەرا، حەوت جار نازناوی خولی تۆپی پێی خولی پلە یەک و حەوت جار جامی یەکێتی ئینگلتەرا و پێنج جار جامی خول و جارێکیش جامی ئەوروپا و جامی سوپەری ئەوروپای بەدەستهێناوە.