ھەڵسەنگاندنی بێژنگی

لە ئینسایکڵۆپیدیای ئازادی ویکیپیدیاوە
Jump to navigation Jump to search
نموونەی بێژنگە بەکارهاتووەکانی تاقیکاریەکە
ئامێری تاقیکاریەکە کە تیایدا دوای ڕووکردنی بەردەکان لەسەری، دەستدەکات بە لەرزین تاکو بەردەکان لەنێو کونی بێژنگەکان بڕۆنە خوارەوە و دابەش بن، ئەمەش بۆ ئەوەی بزانرێت کە بەردە گەورەکان لەسەرەوە دەمێننەوە و بچووکەکان دەچنە خوارەوە، بەمشێوەیە قەبارەکان دیاری دەکرێن.

ھەڵسەنگاندنی بێژنگی یان تاقیکردنەوەی دیاریکردنی قەبارەی تەنۆڵکە (بە ئینگلیزی: Sieve analysis) پڕۆسەیەکی باوە لە ئەندازیاری شارستانیدا، کە تایبەتە بە دیاریکردنی قەبارەی تەنۆڵکەکان. ئەم کارە لەڕێگای ھێنانی زنجیرەیەک بێژنگی ئاسنین کە تێیدا ھەر یەکەکەیان قەبارەی نێوانیان بچووکتر و بچووکتر دەبێتەوە و لێدەگەڕێین کەوا تەنۆڵکەکان بەنێو بێژنگەکەدا بڕۆنە خوارەوە و دواتر کێشی یەکە بە یەکەی بێژنگەکان تۆماردەکەین.

دابەشبوونی قەبارەی بەرد/تەنکۆڵکەکان ھەمیشە گرینگە بۆ ئەوەی بزانرێ کە ئەم تەنۆڵکەیە لەکاتی بەکارھێناندا چۆن خۆی دەگرێت. تاقیکردنەوەی بێژنگی دەکرێ بۆ ھەموو جۆرە ماددەیەکی ئەندامی و نائەندامی بکرێ وەک قوڕ، خۆڵ، بەردی ووردکراو، گڕانێت، تۆو و ئارد. بەھۆی سادەیی پڕۆسەی تاقیکاریەکە، ئەم جۆرە تاقیکاریە باوترین جۆرە لە بواری ئەندازیاریدا.


گرافێکی لۆگاریتمی کە دەرخەری ئەنجامی تاقیکاریە بێژنگیەکەیە.

سەرچاوەکان[دەستکاری]