ویکیپیدیا:وتارە ھەڵبژێردراوەکان/٢٠١٤/٢٨
ڕۆژوو بریتییە لە کردەی خۆبەدوورگرتن لە خواردن، و ھەندێک جار خواردنەوە؛ بەڵام لە چوارچێوەیەکی تەواو فیزیۆلۆژییەوە، "بەڕۆژووبوون" ڕەنگە ئاماژە بێت بۆ دۆخی میتابۆلیکی کەسێک کە شەوێک (پێش " نانی بەیانی ") نانی نەخواردووە، یان ئەو حاڵەتە میتابۆلیکییەی کە دوای ھەرسکردنی تەواو و ھەڵمژینی ژەمێک بەدەستی دەھێنێت. گۆڕانکارییەکانی میتابۆلیکی لە دۆخی بەڕۆژووبووندا دوای ھەڵمژینی ژەمێک دەست پێدەکات (بە شێوەیەکی گشتی ٣–٥ کاتژمێر دوای خواردن).
ڕۆژووی دەستنیشانکردن ئاماژەیە بۆ ڕۆژووگرتنی درێژخایەن لە ١–١٠٠ کاتژمێر (بەپێی تەمەن)، کە لەژێر چاودێری دکتۆر ئەنجام دەدرێت، بۆ ئاسانکاری لێکۆڵینەوە لە ئاڵۆزییەکی تەندروستی (بەزۆری دابەزینی شەکری خوێن). زۆر کەس ڕەنگە وەک بەشێک لە ڕێکارێکی پزیشکی یان پشکنین بەڕۆژوو بن، وەک پێش پشکنینی قۆڵۆن یان نەشتەرگەری، یان پێش ھەندێک پشکنینی پزیشکی. بەڕۆژووبوونی پچڕپچڕ تەکنیکێکە ھەندێک جار بۆ دابەزاندنی کێش یان سوودە تەندروستییەکانی تر بەکاردێت کە ڕۆژووگرتنی ڕێکوپێک دەخاتە ناو خشتەی خۆراکی مرۆڤەوە. ھەروەھا ڕۆژووگرتن ڕەنگە بەشێک بێت لە ڕێوڕەسمێکی ئایینی، زۆرجار پەیوەستە بە ڕۆژی دیاریکراوەوە، وەک لەلایەن ئایینەکەوە دیاری کراوە، یان وەک خۆپیشاندانێکی گشتی بۆ دۆزێکی دیاریکراو بەکاربھێنرێت، لە پراکتیکێکدا کە بە مانگرتن لە خواردن ناسراوە. (تەواوی وتار...)