لە ئینسایکڵۆپیدیای ئازادی ویکیپیدیاوە
ھەڵبژاردەی نیشتمانی تۆپی پێی ماکاو نوێنەرایەتی ناوچەی ئیداری تایبەتی چینی ماکاو دەکات لە تۆپی پێی کۆمەڵە نێودەوڵەتییەکان. تیپەکە لەلایەن یەکێتی تۆپی پێی ماکاوەوە سەرپەرشتی دەکرێت.[١]یەکێکە لەو ھەڵبژاردانەی لە ڕیزبەندی فیفا لە پلەکانی خوارەوەیە.[٢][٣]ھەرچەندە بەزۆری بە ماکاو ناسراوە، بەڵام یەکێتیی تۆپی پێی ڕۆژھەڵاتی ئاسیا تیمەکە بە ماکاو، چین ناودەبات. ھەڵبژاردەی ھەرگیز سەرکەوتنی بۆ جامی نەتەوەکانی ئاسیا یان پاڵەوانێتی جامی تۆپی پێی ڕۆژھەڵاتی ئاسیا تۆمارنەکردووە. تیپەکە سەرکەوت بۆ جامی چالێنجەکانی ئەی ئێف سی لە ساڵی ٢٠٠٦، کە تێیدا یەک یەکسانبوون و دوو دۆڕانی بەدەستھێنا. تیپەکە پێش ساڵی ١٩٩٩ نوێنەرایەتی ماکاو دەکرد لە یارییە نێودەوڵەتییەکانی تۆپی پێدا کاتێک ماکاو خاکێکی وابەستەی پورتوگال بوو. نوێنەرایەتی ماکاو بەردەوامە تەنانەت دوای ئەوەی ماکاو لەلایەن پورتوگالەوە ڕادەستی کۆماری گەلی چین کرا و لە ساڵی ١٩٩٩ بوو بە ھەرێمێکی ئیداری تایبەتی چین. ئەم تیپە جیاوازە لە ھەڵبژاردەی تۆپی پێی نیشتمانی چین، وەک یاسای بنەڕەتی و بنەمای " یەک وڵات، دوو سیستەم " ڕێگە بە ماکاو دەدات کە تیپە نوێنەرایەتییەکانی خۆی لە پێشبڕکێ وەرزشییە نێودەوڵەتییەکان بپارێزێت. لە ساڵی ٢٠٠٥ ماکاو بۆ ماوەیەکی کاتی لەلایەن فیفاوە ڕێگری لێکرا کە بچێتە یارییە نێودەوڵەتییەکان، بەھۆی ئەوەی گوایە کاریگەرییەکی ناڕەوای حکوومەت لە پێکھێنانی لیژنەی یەکێتی تۆپی پێی دا ھەبووە.
