دەروازە:بی بی سی/وتار/١
پێکی بڵایندەرس زنجیرەیەکی درامی مێژوویی تاوانیی تەلەڤیزیۆنی بەڕیتانییە کە لەلایەن ستیڤن نایتەوە دروستکراوە. دانراو لە بێرمینگام، ئینگلتەرا، زنجیرەکە باسی کارەکانی خێزانی تاوانی شێڵبی دەکات لەدوای جەنگی جیھانی یەکەم. خێزانە خەیاڵییەکە بە کەمی لە چەتە لاوەکانی بەھەمان ناو وەرگیراوە، کە لە شارەکەدا چالاک بوون لە ١٩٨٠اکان بۆ سەرەتای سەدەی بیستەم.
پیکی بڵایندەرس لە کاستێکی پڕ ئەستێرە پێکدێت، کە کیڵیان مۆڕفی، ھێلێن مەککڕۆری، جۆو کۆڵ، و پۆڵ ئاندرسن ڕۆڵی سەرەکی، تۆمی شێڵبی، ئێلیزابێت «پۆڵی» گرەی، جۆن شێڵبی، و ئارتەر شێڵبی ئەگێڕن، کە پایەبەرزی دەستەکەن. سام نیڵ، تۆم ھاردی، پادی کۆنسیدین، ئەیدریەن بڕۆدی، ئایدن گیڵێن، شارلۆت ڕایڵی، سام کڵافڵین، و ئانیا تەیلۆر-جۆی ڕۆڵی دووبارەبووەوەیان لە چەدەھا بەشی زنجیرەکە. زنجیرەکە لە ١٢ی ئەیلوولی ٢٠١٣دا نمایشکرا، کە لە بی بی سی ٢ پەخش ئەکرا تا وەرزی چوارەم، و دواتر گوازرایەوە بۆ بی بی سی ١ بۆ وەرزی پێنجەم.
لە ٢٠١٨دا، دوای بردنەوەی خەڵاتی باشترین زنجیرەی درامی لە خەڵاتە تەلەڤیزیۆنییەکانی بافتا، نایت باسی «خواستی کردنی بە چیرۆکێکی خێزانێک لە نێوان دوو جەنگدا، و کۆتایی پێبێت بە وریاکەرەوەی یەکەم ھێرشی ئاسمانی لە بێرمینگام»، کە لە ٢٥ی حوزەیرانی ١٩٤٠دا ڕوویدا. وەرزی پێنجەم لە بی بی سی ١ پەخشکرا لە ٢٢ی ئابی ٢٠١٩ و لە ٢٢ی ئەیلوولی ٢٠١٩دا کۆتایی ھات. نێتفلیکس، بە ڕێکەوتنێک لەگەڵ کۆمپانیای وینستاین و ئێندێمۆڵ، مافی بڵاوکردنەوەی پیکی بڵایندەرسی وەرگرت لە ویلایەتە یەکگرتووەکانی ئەمریکا و جیھان. لە کانوونی دووەمی ٢٠٢١دا، ڕاگەیەندرا کە وەرزی شەشەم کۆتا وەرزی زنجیرە تەلەڤزیۆنییەکە دەبێت.