بەکر عومەر دلێر
بەکر عومەر دلێر : ( ١٩٢٦ - ١٩٨١) گۆڤاری "پەیام" کە (کاروباری ئاڵوگۆڕی خوێندەواریی ئەمریکا) ساڵانی ١٩٤٩-١٩٥٨ ئەم سەرپەرشتیی کردووە و بەڕێوەبەری نووسینی بووە.
سەرەتای ژیان و خوێندنی
[دەستکاری]
بەکر کوڕی حاجی عومەر کوڕی یەحیایە، ١٩٢٦ لە کۆیە لەدایک بووە. تا قۆناغی ناوەندیی لەوێ خوێندووە. ١٩٤٥ قوتابخانەی ئەندازەی لە بەغدا تەواوکردووە. ھەم لە کۆمپانیای بەغدادی جدیدە دامەزراوە و ھەم خۆیشی نووسینگەی کاری ئەندازەییی داناوە. [١][٢]
گەواھینامەی بەکالۆریۆس
[دەستکاری]١٩٥١ گەواھینامەی بەکالۆریۆسی ئەندازەی لە زانکۆی فوئاد لە قاھیرە وەرگرتووە. ١٩٥٩ ماوەیەک لە وەزارەتی بەرگریی عیراق دانراوە و وازی لێ ھێناوە. ئەمجا نووسینگەی پڕۆژەی ئەندازەیی (مکتب المشاریع الھندسیە)ی لە بەغدا کردووەتەوە. [١][٢]
پڕۆژەی (خوێندەواریی کوردی)
[دەستکاری]لە ١٩٥١ بەدواوە پڕۆژەی (خوێندەواریی کوردی)ی ھەبووە و شەش کتێبی کوردی و عەرەبیی خۆی لەو پڕۆژەیەدا لەچاپ داوە ، نووسینی دانراو یا وەرگێڕدراوی لە (گەلاوێژ، نزار، دەنگی گێتیی تازە، ھنا بغداد، ھەتاو، پێشکەوتن، التآخی، ڕۆژی کوردستان- شمس کردستان)دا بڵاوبووەتەوە. [١][٢]
گۆڤاری پەیام
[دەستکاری]گۆڤاری "پەیام" کە (کاروباری ئاڵوگۆڕی خوێندەواریی ئەمریکا) ساڵانی ١٩٤٩-١٩٥٨ (٣٩٣) ژمارەی لە بەغدا لێ دەرکردووە، ئەم سەرپەرشتیی کردووە و بەڕێوەبەری نووسینی بووە. [١][٢]
كۆچی دوایی
[دەستکاری]ڕۆژی ١٠/١١/١٩٨١ بە ڕووداوی ھاتوچۆ لە نێوان بەغدا و ھەولێردا کۆچی دواییی کردووە. [١][٢]
بەرهەمەكانی
[دەستکاری]- ئەشکەوتەکەی گۆندۆک، چاپخانەی المعارف- بەغدا، ١٩٥١
- ھەرەوەزی، چاپخانەی المعارف- بەغدا، ١٩٥٣
- دادی کۆمەڵایەتی، چاپخانەی المعارف- بەغدا، ١٩٥٤
- أزمة المساكن و طرق معالجتها، مطبعة المعارف- بغداد، ١٩٥٦
- ئامۆژگاری دڵداری (شانۆنامەی وەرگێڕدراو)، چاپخانەی الجامعة - بەغداد، ١٩٦٨[١][٢]
سەرچاوەكان
[دەستکاری]سەرچاوەکان
[دەستکاری]- ^ ئ ا ب پ ت ج جمال بابان، ڕعلام کرد العراق، ێ١٦٨؛ گۆڤاری نزار، ل١٢-١٣؛ مصطفى نەریمان، فەرھەنگی ئەدیب و نووسەرانی کورد، چاپخانەی ئەسعەد- بەغداد، ١٩٨٦، ل٢٣-٢٤؛ کەمال ڕەئووف محەممەد، مێژووی ڕادیۆی کوردیی بەغداد ١٩٣٩-١٩٥٨، بەرگی یێکھەم - جزمی یێکھەم، ھەولێر، ٢٠١٤، ل٦٠١-٦٠٣.
- ^ ئ ا ب پ ت ج گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ل 8010 ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .