بەکارھێنەر:Hemn baban/خۆڵەپەتانێ

هێمن بابان

هێمن حوسێن یاسین

=

چەند نموونەیەک لە شیعرەکان

گلەیی دەکەی

کە هەوری شیعرم بۆ ناگرمێنی..

بۆچی وەک جاران

هەستی خەواڵووت ڕاناچڵەکێنی..

ئاخر گوڵی من

دە تۆش وەک جاران هەستێکم پێدە

پڕ لە ئاگربێ و لە عەشق تژی..

لەکام دەریادا ماسی وا هەیە

بەبێ ئــاو بژی..

*****

هەموو شەوێ

هەڵبەستێکت بۆ دەنووسم

تـا بۆ عەشقت پێناسە بێ..

دێـڕەکانی پڕ غوربەت و 

وشەکـانی پڕ تـاسە بێ..

ئێستا هیچ جێگایەک نەما

شیعرەکانی لێ هەڵواسم..

سەیری هەر شاشەیەک دەکەیت

من سەردێڕی دەنگوباسم..

****

جاران شیعرم

بۆ سروشت و خاک دەنووسی

هەندێ جاریش بۆ نیشتمان ..

جاران شیعرم

بۆ بەفر و باران دەنووسی

هەندێ جاریش بۆ تەمتومان ..

جاران شیعرم

بۆ گەردنی شاخ دەنووسی

هەندێ جاریش بۆ هاژەی چەم..

جاران شیعرم

بۆ سووتانی باخ دەنووسی

هەندێ جاریش بۆ زام و خەم ..

ئێستا عەشقێک لە دڵمایە و

بێ سنوورە ..

ئێستا شیعر

بۆ تاقە کچێک دەنووسم

هەزاران میل لەمن دوورە ..

****

دە وەرە دەی

با ووڵاتێک دروست بکەین

سنوورەکان ببەزێنین ..

با یاساکان

لەناو خوێندا بگەوزێنین ..

لەم ووڵاتە

پادشا و گەدا هەر خۆمان بین ..

ماندوو بوون و 

لەپی هەدا هەر خۆمان بین ..

ووڵاتێک بێ ، ڕازاوەبێ

بە هۆنراوە و شیعر و پەخشان ..

زوڵفت بکەم بە پەرچەم و

تۆی بۆ بکەم بە ناونیشان .