بەکارھێنەر:ناسرقادرپوور/ئەزموون

رەسووڵ "سوڵتانی" شاعیر و وەرگێڕ.

ساڵی 1976 لە گوندێكی نزیك شاری بۆكانی رۆژهەڵاتی كوردستان لە دایك بوه‌. بەكالۆریۆسی هەیە لە زمان و ئەدەبیاتی فارسیدا. لە ساڵی 1995ـەوە سەرقاڵی كاری ئەدەبیه‌. لە رۆژنامە و گۆڤارەكانی رۆژهەڵاتی كوردستاندا وەك: سروە، مەهاباد، ویرا، سیروان، بابەتی ئەدەبیی بڵاو كردووەتەوە. ساڵی 2004 هاتوومەتە باشووری كوردستان و لێرەش لە گۆڤارەكانی كاروان، رامان، ئایدیا، وێران، واتە، گۆڤاری 23، ئایندە و بیاڤ و رۆژنامەكانی خەبات و کوردستانی نوێ و چاودێر و ئاڵای ئازادی و كوردستان راپۆرتی جاران دا بەردەوام بابەتی بڵاو بووەتەوە.  تا ئێستاش جگه‌ له‌ کۆی شێعره‌کانی 20 کتێبی لە زمانی فارسییەوە وەرگێڕاوەتە سەر زمانی كوردی و چاپ و بڵاویش بوونەتەوە كە ئەوانەن:

1. رۆمانی ژان (نووسینی مارگریت دۆراس) 2. پێشەوای رابوون (كتێبێكە لەسەر كۆماری كوردستان) 3. ژن لە فەلسەفەی سیاسیی رۆژئاوادا 4. كۆیلەكردنی ژنان (نووسینی جۆن ستیوارت میل) 5. ئێمیلی ژان ژاك رۆسۆ 6. تاعوونی ئەلبێر كامۆ 7. رۆمانێكی سێ بەرگیی یەشار كەمال به‌ ناوی (ئه‌و دیوی کوێستان). 8. سەفەر و ئاسكۆڵه‌که‌ی به‌ختم گوزه‌ل (رۆمانێكی مەحموود دەوڵەت ئابادی) 9. سێبەری هەڵۆ (رۆمانێكە ئاوڕی لە نهێنییەكانی ژیانی ناپلیۆن بوناپارت داوەتەوە) 10. له‌ لینینه‌وه‌ بۆ پووتین ( مێژووی سیاسیی رووسیا) 11. ئیمپراتۆریی بیزه‌نتی (مێژوو) 12. کۆتایی سه‌ده‌کانی ناوه‌راست (مێژوو) 13. ئاغاکانی ئاقچاساز (رۆمانێکی یه‌شارکه‌مال) 1500 لاپه‌ره‌یه‌ 14. کیژانی کابول (رۆمان) 15. فیمینیزم 16. نان و ماچ (کۆچیرۆک) 17. که‌وتن (رۆمان. ئه‌لبێر کامو) 18. یه‌که‌م عه‌شق (رۆمان) 19. ئاسییه‌ (رۆمان) 20. یاخی (رۆمان/ یه‌شار که‌مال)