چیرۆکی پێرین
| چیرۆکی پێرین | |
| پەڕگە:Sin familia.JPG | |
| ペリーヌ物語 (The Story of Perrine) | |
|---|---|
| چەشن | سەرکێشی، درام |
| مانگا | |
| نووسەر | ئاکیرا میازاکی |
| وێنەکێش | جەنیچی سێکی |
| بڵاوکەرەوە | نیپۆن ئەنیمەیشن |
| بڵاوکراوەتەوە | تەلەڤیزیۆنی فوجی |
چیرۆکی پێرین (بە ژاپۆنی: ペリーヌ物語، بە ئینگلیزی: The Story of Perrine) زنجیرە تەلەفیزیۆنییەکی ئەنیمێیە لەلایەن ستۆدیۆی نیپۆن ئەنیمەیشن دروست کراوە.
کورتەی چیرۆکەکە
[دەستکاری]لە پاش مردنی باوکی، (پێرین) ناچار دەبێت لەگەڵ دایکیدا گوندەکەیان لە ھندستان بەجێ بھێڵن و بگەڕێنەوە بۆ ئەو شارەی کە باوکی تێیدا گەورە بووە (شاری مارەکۆت) لە وڵاتی فەرەنسا و بگەڕێن بەدوای باپیریدا. پێرین و دایکی وەک وێنەگری گەڕۆک کار دەکەن، بەوەش بژێوی ژیانیان بەدەست دەھێنن. لە گەشتەکەدا دایکی نەخۆش دەکەوێت و پێرینیش بۆ چارەسەری دایکی ناچاردەبێت زۆربەی پێداویستییەکانیان بفرۆشێت. پێرین نەیدەزانی کە باوکی لەگەڵ باپیریدا توشی دەمەقاڵێ بووە، لەسەر ئەو وەسییەتەی کە باپیری بۆی کردووە، چونکە باوکی بە گوێی نەکردووە و وەسییەتەکەی شکاندووە. ھەر لەبەر ئەوەش پێرین کە دەگاتە شارەکە، باپیری دەدۆزێتەوە کە کەسێکی دەوڵەمەندە، کارگەیەکی گەورەی ھەیە و یارمەتی ھەژاران دەدات. پێرین بە ناچار ناوی خۆی دەگۆڕێت بە (ئۆرالی) بۆ ئەوەی کەس نەیناسێتەوە و ئەو ناخۆشییەی لە نێوان باوک و باپیریدا ھەبووە بگەڕێنێتەوە بۆ خۆشەویستیی. پێرین کچێکی زیرەک و لێھاتوو دەبێت و ھەر زوو لای باپیری خۆشەویست دەبێت. لە کۆتاییدا خۆی ئاشکرا دەکات و سامانێکی زۆری بۆ دەمێنێتەوە.
کەسایەتییەکان
[دەستکاری]- پێرین: تەمەنی ١٣ ساڵە. لە دایکێکی ھندی و باوکێکی فەرِەنسییە.
- ماری: دایکی پێرینە. بە نەخۆشی کۆچی دوایی دەکات.
- بێلفرانک: باپیری پێرینە. کەسێکی دەوڵەمەندو ناسراوە. نابینایە. لە کۆتایدا چاوی چاکدەبێتەوە.
- رۆزالی: یەکەمین کەسە لە مارەکۆت دەبێتە ھاورِێی پێرین.
- پاوڵ برای ڕۆزالییە.' شامۆنی باوکی ڕۆزالییە. فرانکوێس نەنکی ڕۆزالییە.
- تاروێڵ: لێپرسراوی کارگەکەی بێلفرانکە.
- تیۆدۆر: خوشکەزای بێلفرانکە، دەیەوێت جێگەی بگرێتەوە.
- فابری: نوسەرێکی لێھاتووەو باوەڕپێکراوی بێلفرانکە.
- مارسێل: ھاوڕێی پێرینە. لە یانەیەکی سیرک ئیشدەکات.
- بارۆن: سەگەکەی پێرینە.
- پێریکال: عەرەبانەکەی ماڵی پێرین ڕادەکێشێت.
سەرچاوەکان
[دەستکاری]- گۆڤاری پەپوولە ژمارە ١٥٦