خوەنھێنی

خوەنهێنی (ھەروەھا: ئاوھێنانەوه، دەستپەڕ، دەستمیز، کەپلەمه، مشتاو، مشتە و مشتەگان) بریتییە لە کاری وروژاندنی سێکسی لەلای شیردەرەکان، ئەمەش بە نهێنی دەکرێ بە وروژاندنی ئەندامە سێکسییەکان بە مەبەستی گەیشتن بە ئۆرگاسم یان رەحەتبوون، بەڵام جێگرەوەیەک نییە بۆ کردەی سێکس.

خوەنهێنی شتێکی زۆر باوە لەنێو مرۆڤەکاندا، کە بە جوڵاندنی پێستی ئەندامی زاوزێی نێرینە و جوڵاندنی قیتکەی ئەندامی زاوزێی مێینە بەرەو ناو یان بەرەو سەر، دێتە دی. لە مێینەدا دەشێت شتێک یان تەنێک بخرێتە نێو کونی ئەندامی زاوزێی مێینەوە؛ بەڵام لەنێردا تەنها دەتوانرێت چووک رابوەشێنرێت. هەروەها بە بەکارهێنانی دەست ئەنجام دەدرێت. هەروەها دەشێت هۆکاری خۆکار بەکاربێت. بەگشتی خوەنهێنی؛ خۆییە، بەڵام ڕەنگە بگۆڕێت بۆ شێوەی تر وەک ئەوەی بە پەیوەندییەکی دەرەکی بکرێت کە تێیدا هەر تاکێک رۆڵی دەستی خوەنهێنیپێکەر دەبینێت، کە ئەمەش ناو دەبرێت بە هاوبەشە خوەنهینی (بە ئینگلیزیی: mutual masturbation‏).