جایمی ئەلێکساندەر

جایمی ئەلێکساندەر (لەدایکبووی ١٢ی ئازاری ١٩٨٤) ئەکتەرێکی ئەمریکییە، بە ڕۆڵی جێسی XX ناسراوە لە زنجیرەدرامای کایڵ XY.

ژیان

جایمی لە گرینڤایل، کالیفۆڕنیای باشوور لەدایکبووە بەڵام لە گرەیپباین، تێکساس گەورەبووە. ھەنووکە لە لۆس ئانجلێس دەژی. جگە لە ڕۆڵبینینی، ئارەزووی چێشتلێنان و ڕاھێنانکردنی ھەیە.

پیشە

یەکەم ڕۆڵی جایمی لە فیلمی داوی سمۆرەدا بوو کە ڕۆڵی سارای دەبینی. ھەر زوو بەدوایدا ڕۆڵێکی میوانی پێدرا لە ھەمیشە خۆرھەتاوە لە فیلادلفیا.

دوای ئەوە دوو ڕۆڵی گەوەرتری بینی لە ھەریەک لە فیلمی لاکەی تر کە ڕۆڵی ھانا تۆمسنی کچەھاوڕێی کەسایەتی سەرەکی فیلمەکەی دەبینی و زنجیرە درامای چاودێریم بکە، تیایدا ڕۆڵی کەیتلین پۆرتەری دەبینی.

لە ٢٠٠٦ یەکەم ڕۆڵی سەرەکی فیلمی بینی لە فیلمی ترسناکی پشوو بە ڕۆڵی نیکۆڵ کارۆ، کە بریتیبوو لە ڕۆڵی کچێک کە لە ماڵ ھەڵدێت و لەگەڵ کوڕەھاوڕێکەیدا بۆ گەشتێک ئەچێت کە بە ڕێکەوتێکی چاوەڕوان نەکراو گەشتەکەیان لەلایەن چەند بکوژێکەوە تێک دەچێت لە وەستانێک بۆ پشوودان.

لە ٢٠٠٧ دووەم ڕۆڵی سەرەکی فیلمی بینی لە فیلمی ترسناکی زەوی پیرۆزکراو کە ڕۆڵی ئەلیزابێث دەبینێت.

بەڵام ئەوەی بووە ھۆی بەناوبانگبوونی جایمی، ڕۆڵبینینی بوو لە زنجیرە درامای کایڵ XY بە ڕۆڵی جێسی XX، ڕۆڵەکەی بریتیبوو لە کچێکی گەنج کە توانای مێشکی و جەستەیی بەھێزی ھەیە و لەلایەن کۆمپانیایەکەوە لە خانەی دوو مرۆڤی تر دروستکراوە. جێسی XX وەک کچە ھەرزەکارێکی تازە لەدایکبوو ئەزموونی ژیان دەکات و لەگەڵ ھاوڕێ ھاوشێوەکەیدا، کایڵ XY دژی کۆمپانیایەکی تر دەوەستێتەوە کە ھەوڵی لەبەرگرتنەوەی کایڵ XY دەدات.

ھەروەھا ڕۆڵێکی میوانی ھەیە لە زنجیرەی سی ئێس ئای: مەیامی و لە ئێسکەکان. جایمی ڕۆڵی سیف دەبینێت لە فیلمی ثۆر کە لە ٢٠١١ نمایش دەکرێت.

فیلم

ساڵ	ناو	ڕۆڵ
٢٠١١	Loosies	لوسی
٢٠١٠	Love and Other Drugs	کارۆڵ
٢٠١١	Thor	سیف
٢٠٠٩	Bones	مۆڵی بریگز
	CSI: Miami	جێنا یۆرک
٢٠٠٧	Hallowed Ground	لیز چامبەرز
	Kyle XY (٢٠٠٧ - ٢٠٠٩)	جێسی XX
	Watch Over Me	کەیتلین پۆرتەر
٢٠٠٦	Rest Stop	نیکۆڵ کارۆ
	Standoff	باریستا
	The Other Side	ھانا تۆمسن
٢٠٠٥	It's Always Sunny in Philadelphia	تامی
٢٠٠٤	Squirrel Trap	سارا

خەڵات و پاڵاوتنەکان

• لە ٢٠٠٨ پاڵێورا بۆ خەڵاتی باشترین کچە ئەکتەر پشتگیریکردن بۆ ڕۆڵی جێسی XX لە زنجیرەی کایڵ XY.

بەستەری دەرەکی

• جایمی ئەلێکساندەر لە Internet Movie DataBase.
• جایمی ئەلێکساندەر لە Twitter.
• ماڵپەڕی فەرمی