بەکارھێنەر:Khaled Bajlory

خالد باجلۆری ،،، ناڤدار ب خالد دۆسکی

خالد عبدالرحمن أحمد محمد ل 1/7/1962 ل گوندێ باجلۆر کو دکەفتە سەر سکرێ دهۆکێ ژدایک بوویە ، خاندنا خۆ یا سەرەتایی و ناڤنجی و ئامادەیی ل دهۆک تەمام کریە ، ل سالا 1984 بەکالۆریۆس ب زمان و ئەدەبیاتا کوردی ل زانکۆیا بەغدا ب دوماهی ئینایە. هەر دوێ سالێدا بوویە پێشمەرگە و ل ئیزگەیێ دەنگێ گەلێ کورستان ، دەنگێ شۆڕشا نوی یا گەلێ کوردستانێ ب رێبەریا ( ی. ن. ک) وەک کادر و پێشمەرگەیێ میدیایی ( بێژەر و نڤیسەر و وەرگێڕ) دەستبکار بوویە . ددەمێ سەرهلدانا بەهارا 1991 کو ل سوریا بوو، بەر ب وەڵاتی بریتانیا چوویە و، ل وێرێ ئاکنجی بوویە. ل بریتانیا درێژی دایە خەباتا رێکخراوەیی و بوویە ئەندام پاشی کارگێرێ کۆمیتەیا ئێکەتیێ ل بریتانیا. مل ب ملی کارێ حزبی ل سالا 1996 بوویە ئەندامێ دەستەیا کارگێریا مەڵبەندێ رۆشنبیری و سەرپەرشتێ راگەهاندنا مەڵبەندێ ناڤبری و، بلاڤۆکا (مەڵبەند) دەرێخستیە. ل سالا 1999 - 2001 بوویە ئەندامێ دەستەیا رێڤەبەریا رێکخراوا کوردی بو پەناهەندا و، پاشی سەرۆکێ وێ ل رۆژئاڤایێ لەندەن. ل سالا 2001 ل کۆنفرانسێ مەڵبەندێ رێکخستنا دەرڤەیێ ( ی. ن. ک) ل باژێرێ شتوتگارتێ ئەلمانیا هاتە هلبژارتن و، بوو کارگێرێ وی مەڵبەندی، وەک بەرپرسێ راگەهاندنێ و سەرنڤیسەرێ بلاڤۆکا (تیشک) دەست بکار بوو. ل دەستپێکا سلا 2003 چوو پراگ پایتەختێ کۆمارا چیک و ل(رادیۆیا دەنگێ عێراقا ئازاد) ، کو بەشەک بوو ژ دەنگێ ئەورۆپا ئازاد کو دەزگەهەکێ میدیاییێ ئەمریکا یە دەست بکار بوو. ل دوماهیا سالا 2004 ب ئێکجاری ڤەگەریا وەڵاتی و ل دهۆکێ ئاکنجی بوو .هەر دوێ سالێدا بو ئەندامێ مەکتەبا راگەهاندنا (ی. ن. ک)و، بەرپرسێ راگەهاندنا وێ حزبێ ل بادینان. ل سالا 2005 وەک ئەندامێ جڤاتا پاریزگەها دهۆک هاتە هلبژارتن و سەرۆکێ لیستا( ی. ن. ک) بوو. هەر دوێ سالێدا بو رێڤەبەرێ TV گەلی کوردستان و سەرنڤیسەرێ هەفتیناما بەهدینان. ل سالا 2010 بو بەرپرسێ مەلبەندێ رێکخستنێن (ی. ن. ک) ل زاخۆ ، ل سالا 2012 بو رێڤەبەرێ گشتیێ سەتلایتا بادینان سات ل دهۆکێ کو سەر ب راگەهاندنا (ی. ن. ک) بوو. ل سالا 2014 ژلایێ ئێکەتیێ ڤە هاتە کاندیدکرن بو وەزارەتا رۆشنبیری و لاوان و، ل 18/6/2014 وەک وەزیرێ ڕۆشنبیری و لاوان یێ کابینەیا هەشت یا حکومەتا هەرێما کوردستانێ دەستبکاربوو. ل 17/7/2019 هاتە خانەنشین کرن.