بەکارھێنەر:حەمدی موحەمەدی

ئەفسانە و جۆرەکانی

ئەفسانە بەرهەمی لە مێژینەی مرۆڤایەتیە کە لەئەنجامی پێویستیەکانی ژیان و ئارەزووە لە بن نەهاتووەکانی کۆبوەتەوە و گەشتۆتە ئەمڕۆ وئەتوانین بڵێن ئەفسانە تەمەنی لەگەڵ تەمەنی مرۆڤدایە چونکە مرۆڤ لەو ڕۆژەوەی کە توانای کار و بیرکردنەوەی هەیە دەستی کردووە بە شیکردنەوە و ڕوونکردنەوەی سروشت،وەهەروەها هۆکاری سەرەکی سەرهەڵدانی ئەفسانە ئەگەڕێتەوە بۆ ترس کاتێک خەڵکی سەردەمانی کۆن لە هەورە برووسکە و با و بارانی زۆر دەترسان لەبەر ترسەکەیان ناویان لەو ڕووداوانە ناوە ئەفسانە.

جۆرەکانی ئەفسانە:

۱.ئەفسانەی نەریت و ئاینە کۆنەکان:

هۆیەکە بۆ چەسپاندنی باوەڕ ،ئەم جۆرە ئەفسانەیە بۆ چێژ و کات بەسەر بردن نەبووە بەڵکو یەکێک بووە لەپێویستیەکانی ژیانی کۆمەڵایەتی مرۆڤانی سەرەتایی وە بۆ دەربڕینی سەرزاری بۆنە و نەریتەکانیان بووە.

۲.ئەفسانەی گەردوونی :

ئەرکی ئەم ئەفسانەیە ئەوەیە کە بەپێی لێکدانەوەی مرۆڤی سەرەتایی دەریبخات کە ئەم گەردوونە چۆن درووست بووە،وەک ئەفسانەی (بابلی کۆن)

۳.ئەفسانەی هێمایی:

ئەم ئەفسانەیە پێشکەوتووتر لە جۆرکانی تری ئەفسانە درووست بووە کەتەنیا خۆی نابەستێتەوە بە گەردوونەوە بەڵکو لەناوجەرگەی ژیانی ئادەمیزادەوە هەڵقوڵاوە،وە گرنگترین توخمی سەرەکی ئەفسانەی تێدایە وەکو"خواوەندەکان" ،سرووشت ئادەمیزاد،پەیوەندی کۆمەڵایەتی، وەک ئەفسانەی(یۆنانیەکان)