ویکیپیدیا:سیاسەتی قەدەغەکردن: جیاوازیی نێوان پێداچوونەوەکان
Épine (لێدوان | بەشدارییەکان) No edit summary |
Aram (لێدوان | بەشدارییەکان) ب Aram پەڕەی ویکیپیدیا:سیاسەتی بانکردنی گواستەوە بۆ ویکیپیدیا:سیاسەتی قەدەغەکردن: بەپێی وتووێژ |
(بەبێ جیاوازی)
|
وەک پێداچوونەوەی ١٠:٤٥، ٢٨ی ئایاری ٢٠٢٢
ئەم پەڕەیە سیاسەتێکی فەرمیی ویکیپیدیای کوردی. ئەم سیاسەتە لەلایەن زۆربەی بەکارھێنەران پەسەند کراوە و دەبێت ھەموو بەکارھێنەران پەیڕەوی لێ بکەن. پێش گۆڕینی ئەم پەڕەیە، دەبێت لەسەری یەکدەنگی ھەبێت. |
ئەم پەڕەیە بە کورتی: ھەڵوێستی خراپ و دروستکردنی کێشەی بەردەوام لەوانەیە ببێتە ھۆی لێسەندنەوەی توانای دەستکاریکردن و بەشداریکردن لەسەر بابەتێکی دیاریکراو، یانیش لە تەواوی وێبگەی ویکیپیدیا. بانکردن و بەربەستن جیاوازن. |
سیاسەتە زۆرەملێیییەکان |
---|
بان پێکھاتووە لە وەستاندنێکی فەرمی بەکارھێنەران لە بەشداریکردن لە دەستکاریکردنی پەڕەیەک یاخود تەواوی ویکیپیدیا. بڕیاردان لەسەر بانکردن لەسەر یەکدەنگی کۆمەڵگەی ویکیپیدیاوە دەدرێت. بانکردن یەک شت نییە لەگەڵ بەربەستن. بەربەستن لەلایەن بەڕێوەبەرانەوە بەکاردێت بۆ وەستاندنی بەکارھێنەرێک یان ناونیشانێکی ئای-پی لە دەستکاریکردنی ویکیپیدیا بێکۆتا یان بۆ ماوەیەکی دیاریکراو، لەکاتێکدا بانکردن وەک دەرکردنێکی تەواو وایە.
جۆرەکانی بانکردن
وەک لە سەرەوە باس کرا بانکردن چەند جۆرێکی ھەیە:
بانکردنی وێبگە
مەگەر بە پێچەوانەوە وترابێت، بانکردن پێکھاتووە لە بانکردنی وێبگە، کە تەواوی سایت یان ماڵپەڕی ویکیپیدیا دەگرێتەوە. واتە بەکارھێنەر بە تەواوەتی لەسەر ھەموو پەڕەکان مافی دەستکاریکردنی لێ دەسەنرێتەوە، جا ئەم بەکارھێنەرە ھەژماری ھەبێت یان نا، بە ھەر شێوەیەک بێت و بۆ ھەر مەبەستێک بێت، ناتوانێت جارێکی تر دەستکاری ویکیپیدیا بکات، جا ئەم بەکارھێنەرە ھەر کەسێک بێت.
بانکردنی پەڕە یان وتار
بانکردنی پەڕە (پەڕەی داڕێژە، مۆدیوول، ویکیپیدیا و یارمەتی و ھتد...، ھەر پەڕەیەک بێت) یان وتار ڕێگری لە بەکارھێنەرێک دەکات لە دەستکاریکردنی پەڕەیەکی دیاریکراو. ڕێگرییەکە لەوانەیە پەڕەی وتووێژی ئەو وتارەش بگرێتەوە یانیش بە پێچەوانەوە.
بانکردنی بابەت
پێکھاتووە لە ڕێگریکردن لە بەکارھێنەر لە دەستکاریکردنی وتارەکانی سەر بە بابەتێک. بۆ نموونە دەکرێت بابەتە سیاسییەکان بێت و ئەو بەکارھێنەرە بە بەردەوامی خراپکاری ئەنجام دابێت لەسەر وتارەکانی ئەو بابەتە.
بانکردنی پەیوەندیبەستن
بۆ ڕێگریکردن لە پەیوەندیی نێوان دوو بەکارھێنەر یان زیاتر بەکاردێت.