ئەحمەد دلزار

ئەحمەد دڵزار ھەر لە سەرەتایی ژیانیدا بە خوێندنەوە خۆی خەریکردووە لە تەمەنی لاویدا کەوتۆتە ناو خەباتی نیشتیمانپەروەری لەم ڕێگەیەوە زیندان و ئازار ئەشکەنجەی زۆری دیوە ٫ شاعیری خەبات و ژیان زۆر باش لەوە گەیشتوە کە دەبێت خەبات بۆ کۆمەڵانی فراوانی گەل بێت ٫ شیعرەکانی مێژووی ڕێکخراوی چینی عێراق بە گشتی و کورد بە تایبەتی باس دەکات ٫ دەستێکی باڵای ھەبوە لە وەرگێڕان ٫ بەرھەمەکانی

• ئاوازی ئاشتی
• خەبات و ژیان

ئەحمەد مستەفا محمد
لەدایکبوون	١٩٢٠ز شاری کۆیە - باشوری کوردستانی یەکگرتوو
نەتەوە	کورد
ناوەکانی تر	ئەحمەد دلزار
پیشە	شاعیر

شیعری مانگی گوڵان |-

• | مانگی گوڵانە گوڕەی بەھارە
• | زەمین سەراپا باخ و گوڵزارە
• | مافوری سەوزی ھەردان گوڵ گوڵە
• | گوڵشەن بە جارێ پڕ لە بولبولە
• | سەراپا شاخ و باخ و دۆڵ و دەست
• | چاو ئەندازێکن لە باخچەی بەھەشت
• | پۆڵی کەنیشک و دەستەی دڵداران
• | ھاتوچۆیانە لە نێو گوڵزاران
• | منداڵی ورد وێنەی کارژۆڵان
• | پەرت و پەخشانن لە ناو مێرگوڵان
• | گەلەی گاکێوی و کەروێشک و ئاسکان
• | پەرتانن بە دەم ھەڵدێر و باسکان
• | ئاوی کانیاوی سارد و سازگار
• | لە ژێر و قەدی کێوان دێتە خوار
• | لە لایێ شەپۆڵ شڵە شڵپ ئەکا
• | لە لایێ ئاگر کڵپە کڵپ ئەکا
• | لایەکیش گرد و ھەوراز و رازە
• | دامێنی جێگەی یاریی سێبازە
• | ورد و درشت و کچ و ژن و ژاڵ
• | منداڵ و گەورە پیاو و کور وکاڵ
• | گشتی سەرخۆشی جوانی سروشتن
• | بەرانبەر نەغمەی بولبولان وشتن

---

https://web.archive.org/web/20191215204921/http://www.gilgamish.org/