ویکیپیدیا:داواکردنی مافی بەڕێوەبەرایەتی/Hiwak82

ڕێکەوتی پێشکەشکردنی داواکاری: ١٢ی ئابی ٢٠٢٠ ڕێکەوتی کۆتاییھاتنی داواکاری:

ناساندن

من لە ساڵی ٢٠١٠ـەوە لە ویکیپیدیاوە چالاکم، بەڵام بە ئەککاونتی Hiwak82 لە ٢٠١٤ـەوە بە پێنج زمان چالاکم. چالاکییەکانی من بە زمانەکانی کوردی سۆرانی، کوردی کرمانجی باکوور، ئینگلیزی، فەڕەنسی و فارسین. من زیاتر لە بواری زانیاری لە سەر کەسایەتییە سیاسییەکان، رێکخراوە سیاسییەکان و چەمکە زانستییەکانی تایبەت بە سیاسەت بەشداری دەکەم. یەکێک لە هەوڵە گرنگەکانی من لە ویکیپیدیادا ئەوەیە کە زانیارییەکان لە ئایدۆلۆژیا و بیر و بۆچوونە تەسکە سیاسییەکان خاوێن بکەمەوە و بیکەم بە ژینگەیەکی خاوێن و بێ لایەن بۆ ئەوەی خوێنەر و بەردەنگی کورد متمانەی زیاتری هەبێ. هەروەها لە رێگەی ویکیپیدیاوە هەوڵ دەدەم کە زانیاریی بە سوود لە زمانەکانی دیکەوە بگوازمەوە بۆ سەر کوردی و لە کوردیشەوە بۆ سەر زمانەکانی دیکە. هیوادارم داواکارییەکەم لە لایەن هاوڕێیانی بەڕێز پەسند بکرێ. -- Hiwak82 (لێدوان) ‏١٢:٠٠، ١٢ی ئابی ٢٠٢٠ (UTC)

پرسیارەکان

• سڵاو @Hiwak82: ئایا بۆچی داوای مافی بەڕێوەبەریت کردووە؟ بەوردی ڕوونی بکەرەوە. -- ⇐ئارام _{وتووێژ💭} ‏١٣:٠٣، ١٢ی ئابی ٢٠٢٠ (UTC)
• سڵاو بەڕێز ئارام، پرسیارەکەت لە جێی خۆی دایە. هەر وەک دەزانن ویکیپیدیای کوردی زۆر لاوازە، یەکێک لە هۆکارەکانیشی رێژەی کەمی بەڕێوەبەرە. گرنگ نیە من هەڵبژێردرێم یان نا، گرنگ ئەوەیە دەبێ بەڕێوەبەر زیاد بکرێن. جار وایە وتارێک دادەنێم بە چەند رۆژ پێدەچێ تا بەڕێوەبەرێک سەردانی دەکا، لە حەڵێکدا لە زمانەکانی دیکە تەنیا چەند چرکە دەخایەنێ. زۆربەی ئەو ئامرازانەی لە زمانەکانی دیکەدا هەن، لە کوردی دا نین. تەنانەت بۆ دانانی سەرچاوەیەک هیچ ئاسانکاریی نەکراوە. ئامانجی من تەنیا دانانی وتار و هەڵەچنین نیە، بەڵکوو پەرە پێدانە بەو لاپەڕە و ئامرازانەی کاری بەکارهێنەران ئاسانتر دەکەن.
• سڵاو کاکە @Hiwak82: دەست خۆش و هیوای بەردەوامیت لۆ دەخوازم، دەتانی بە کورتی باسی ئەوە بکەی کە ڕۆژانە دەتانی چەند کات تەرخان بکەی لۆ دەوڵەمەندکردنی ویکیپیدیایی کوردی ناوەندی، هەرچەندە کارەکی باشە لە هەر ویکیەک کارتکردبی بەڵام بە نیسبەتی ئێمە گرنگە ویکیپیدیای کوردی ناوەندی بەرەوپێش بچی، سەرنجی پرسیارەکەم لەسەر ویکیپیدیای کوردی ناوەندیە؟. شەهید (لێدوان) ‏١٣:٤٣، ١٢ی ئابی ٢٠٢٠ (UTC)
• سپاس، من رۆژانە بە بەردەوامی لە سەر هێڵم، لەبەر ئەوەی کاری لێکۆلینەوەی زانستی دەکەم کە زۆر پەیوەستە بە ویکیپیدیاوە.

دەنگەکان

 نەخێر دژایەتی

• دژ ئەو کارانەی دەتانەوێت بیکەن وەک بەکارھێنەرێکی ئاساییش دەتوانن بیکەن. بوون بە بەڕێوەبەر تەنیا چەند مافێکی زیاترتان پێ دەدات کە زۆریش پێویست نین. ھەروەھا دەبێت پێشتر چالاکیی زۆر و بەردەوامتان ھەبووبێت و ناسراوبن لەنێو ئەندامانی دیکە. سەرچیا — ‏١٤:٤٥، ١٢ی ئابی ٢٠٢٠ (UTC)
• زۆر سپاس بەڕێز سەرچیا. یەکێک لە گرفتەکانی ویکیپیدیای کوردی کەمیی بەڕێوەبەرە و ئەوەش بە روونی دیارە. بەڕێوەبەرەکان فریای هەموو شتێک ناکەون و زۆربەی لاپەڕە و ئامرازەکانی ویکیپیدیای کوردی ناتەواون و کەس نیە پەرەیان پێ بدا. لە هەر حاڵ دا سپاس بۆ رای بەرێـزتان.— ئەم لێدوانە لەلایەن Hiwak82 واژوونەکراوە. (لێدوان • بەشدارییەکان) ١٣:٣٥، ١٣ی ئابی ٢٠٢٠ (UTC)
• دژ، ئەم بەکارھێنەرە تەنیا ھەشت وتاری دروست کردووە و ژمارەی تەواوی دەستکارییەکانی تا ئەمڕۆ ٢٠١ دانەن. بۆیە ئەزموونی کەمە. ھیوادارم درێژە بە کار بدات و تەجرەبەی زیاتر کۆ بکاتەوە. ئەو کاتە دەتوانین قسە دەربارەی ئەم پرسە بکەین. پیرەھەڵۆ (وتووێژ) ‏٢٣:١٥، ١٢ی ئابی ٢٠٢٠ (UTC)
• زۆر سپاس بەڕێز پیرەهەڵۆ. من لەمێژە دەستکاری لاپەڕەکان دەکەم، ئەگەر کارەکەم هێندە کەم نرخە، ئیتر درێژەی پێنادەم. هەر بژین و سەرکەوتوو بن. هەوڵ دەدەم ماڵپەڕێک دابمەزرێنم کاتەکانم و بەرهەمەکانم بۆ ئەو تەرخان بکەم. — ئەم لێدوانە لەلایەن Hiwak82 واژوونەکراوە. (لێدوان • بەشدارییەکان) ١٢:٠٠، ١٢ی ئابی ٢٠٢٠ (UTC)