ڕێژیمی سیاسیی ئێران (کتێب): جیاوازیی نێوان پێداچوونەوەکان
بNo edit summary |
پۆلەکان زیاد کران |
||
| ھێڵی ٤١: | ھێڵی ٤١: | ||
[[پۆل:کوردستان]] |
[[پۆل:کوردستان]] |
||
[[پۆل:ئێران]] |
[[پۆل:ئێران]] |
||
| ⚫ | |||
[[پۆل:رێژیمی سیاسیی]] |
[[پۆل:رێژیمی سیاسیی]] |
||
[[پۆل:ئۆتۆریتاریزم]] |
[[پۆل:ئۆتۆریتاریزم]] |
||
[[پۆل:تۆتالیتاریزم]] |
[[پۆل:تۆتالیتاریزم]] |
||
[[پۆل:مێژووی سیاسیی ئێران]] |
|||
| ⚫ | |||
[[پۆل:عەلی خامنەیی]] |
|||
{{DEFAULTSORT:رێژیمی سیاسیی ئێران (کتێب)}} |
|||
وەک پێداچوونەوەی ١٧:٢٣، ٢٢ی حوزەیرانی ٢٠٢٠
| ناوی کتێب | رێژیمی سیاسیی ئێران : لە نێوان ئۆتۆریتاریزم و تۆتالیتاریزم دا[١] |
| نووسەر | دیلان هەردی |
| زمان | کوردی، فەڕەنسی |
| ژمارەی لاپەڕە | ٢٠٠ |
| رێکەوتی دەرچوون | ٢٠١٩ |
| شوێنی دەرچوون | هەولێر |
| دەزگای چاپ | ناوەندی ئاوێر |
| بوار | زانستی سیاسیی |
رێژیمی سیاسیی ئێران : لە نێوان ئۆتۆریتاریزم و تۆتالیتاریزم دا، کتێبێکی ئاکادێمییە لە نووسینی دیلان هەردی کە بە دوو زمانی کوردی و فەڕەنسی بڵاو کراوەتەوە. ناوەرۆکی ئەو کتێبە کە توێژینەوەیەکی زانستییە و لە زانکۆی لیل لە فەڕەنسا ئەنجام داروە، باسی تایبەتمەندییەکانی رێژیمی سیاسیی ئێران دەکا و لەگەڵ تایبەتمەندییەکانی دێموکراسی، ئۆتۆریتاریزم و تۆتالیتاریزم بەراوردی دەکا[١].
ناوەرۆکی کتێب
ئەم کتێبە لە سێ بەشی سەرەکی پێکهاتووە: لە بەشی یەکەمدا، دوای شیکردنەوەیەکی کورتی هۆکارەکانی سەرهەڵدانی شۆڕشی ١٩٧٩و نووسینەوە و چەسپاندنی دەستووری بنەڕەتیی کۆماری ئیسلامی، شیکاری بۆ دامەزراوە بنەڕەتییەکانی دەسەڵات کراوە. ئەوەش بە مەبەستی دەستنیشانکردنی توخمە پێکهێنەرەکانی ئەو کۆمارەو هەروەها زانینی ئەوەی کە ئایا کۆماری ئیسلامی کۆمارێکی دێمۆکراتە یان نادێمۆکرات؟ لەو بەشەدا سەرنج دراوەتە سەر هەندێک بابەتی گرنگ وەکوو مادەکانی دەستووری ئێران، ناڕوونی لە جیاکردنەوەی دەسەڵاتەکان، رۆڵی سەرەکیی دامەزراوە مەزهەبییەکانو هەروەها دەسەڵاتی بێ سنووری وەلی فەقیهـ [٢]. لە بەشی دووهەمدا، سەرنج دراوەتە تایبەتمەندییەکانی ئۆتۆریتاریزم لەناو سیستەمی سیاسیی و ئابووری ئێراند: لە لایەک، شیکردنەوەی پلۆڕاڵیزم و باڵباڵێن (فاکسیۆنالیزم)و هەروەها دۆخی خراپی کۆمەڵگەی مەدەنی، لە لایەکیتر، شیکردنەوەی سیستەمی ئابووری ئێران کە لەگەڵ ئەوەشدا کە سیستەمێکی دەوڵەتییە بەڵام چەند دامەزراوەی ئایینی و نیزامی دەستیان بە سەردا گرتووە. لە کۆتایی و لە بەشی سێهەمدا، تایبەتمەندییەکانی تۆتالیتاریزم لە سیستەمی سیاسیی ئێراندا دەستنیشان کراون. لە لایەکەوە، هۆکارەکانی تیۆریزەکردن و داڕشتنەوەی پڕەنسیپی ویلایەتی فەقیهـ وەکوو ئایدۆلۆژیای دەوڵەتی و چۆنیەتی چەسپاندنی ئەو پڕەنسیپە لە دەستووری بنەڕەتی کۆماری ئیسلامیدا و لە لایەکیترەوە، سەرنجدان بەوەی کە چلۆن دەوڵەت بە کەڵکوەرگرتن لە هێز، تەیارکردنی جەماوەر، سەپاندنی رێسای ئایینی، سەرکوت، لەسێدارەدان و تۆقاندن، هەوڵ دەدا کۆنتڕۆڵی تەواوی کۆمەڵگا بە ژیانی کەسیی تاکەکانیشەوە بگرێتە دەست[١].
سەرچاوەکان
- ^ ئ ا ب هەردی, دیلان (2019). رێژیمی سیاسیی ئێران : لە نێوان ئۆتۆریتاریزم و تۆتالیتاریزم دا. هەولێر: ناوەندی ئاوێر. pp. ١ـ١٢.
- ^ هەردی, دیلان (2020). دەسەڵاتی بێ‌سنووری وەلی فەقیهـ. رۆژنامەی کوردستان. pp. http://www.kurdistanukurd.com/?p=51717.